<div dir="ltr"><p><strong>charidotes:</strong> QuchchoHmoHwI’.</p>



<p><strong>charisius:</strong> vay’vaD pongvam cha’DIch qonmoHpu’ elaDya’ mu’ <em>charis</em>. wa’vaD pung ‘agh latlh, ‘ej QaH, vabDot latlhvam raD pagh; ghu’vam bop je <<em>charis</em>> ‘ej ‘uQ’a’meyDaq <em>zeus</em> quvmoHlu’meH, betgham Qoy’lu’taHvIS, <em>zeus</em>vaD <em>zeus</em> <em>charisius</em> ponglu’.</p>



<p><strong>charmon:</strong> <em>arcadia</em>Daq ‘op <em>zeus</em> pong cha’DIch tu’lu’pu’, ‘ej <em>charmon</em> ‘oHpu’ wa”e’.</p>



<p><strong>chrysaor:</strong> qol’om yan/nuHmey Qachbogh Qun. pongvam cha’DIch lughaj je ‘op Qun (<em>apollo</em>, <em>artemis</em>, <em>demeter</em> je). <em>caria</em>Daq <em>zeus</em> <em>chrysaor</em> chIrgh tu’lu’pu’, Sep Hoch lulIgh ‘oHpu’ chIrghvam’e’, ‘ej pa’ ghompu’ <em>carians</em> Sep yej.</p>



<p><strong>cithaeronius:</strong> <em>boeotia</em>Daq <em>cithaeron</em> HuD tu’lu’, ‘ej HuDvam pongmo’ <em>zeus</em> pongvam cha’DIch qonlu’pu’.</p>



<p><strong>clarius:</strong> nuvpu’vaD peSmeH vay’, mIwvam lo’: 
vogh ‘op ‘ay’ lan vay’vam, ‘ej ‘ay’meyvam leghbe’taHvIS Hoch nuv, wa’ 
‘ay’ wIv Hoch; mIwvam chIw pongvam. <em>arcadia</em>Daq <em>tegaea</em> veng tu’lu’pu’, ‘ej vengvamDaq Sum <em>arcas</em> voDleH puqloDpu’ bopbogh wa’ Daq’e’. ‘op Doch ‘atpu’ <em>arcas</em> puqloDpu’, ‘ej DochmeyDaj tlhIn SuqnISpu’ Hoch puqloD. ngugh wuqmeH puqloDpu’, pa’ mIw chIwbogh <em>clarius</em> pong lu’lo’pu’. wanI’vam DaqDaq <em>zeus</em> pongvam cha’DIch lo’lu’pu’.</p>



<p><strong>cledonius:</strong> tuch ‘otHa’bogh wanI’ qaSmoHbogh vay’.</p>



<p><strong>conius/konios:</strong> pongvam cha’DIch luQIjbogh cha’ DuH tu’lu’: 1. SeychoHmoHbogh vay’, 2. Say’qIS pepbogh vay’. <em>megara</em>Daq pagh beb <em>zeus</em> <em>conius</em> chIrgh tu’lu’pu’.</p>



<p><strong>coryphaeus/coryphaea:</strong> HuD jenchu’bogh Daq Dabbogh Qun; Qunvam Del <em>coryphaea</em>, ‘ej <em>artemis</em> pong cha’DIch ‘oH. <em>coryphaeon</em> HuDDaq <em>artemis</em> <em>coryphaea</em> chIrgh tu’lu’pu’. (<em>epidaurus</em>Daq Sum <em>coryphaeon</em> HuD). ‘ach Dunchu’bogh Qun DelmeH vay’, <em>coryphaeus</em> lo’laH je, vaj <em>zeus</em> pong cha’DIch ‘oH je <em>coryphaeus</em>‘e’.</p>



<p><strong>cosmetes:</strong> nuvpu’vaD chut pabmoHbogh vay’, chutmey qonbogh vay’. <em>sparta</em> ‘oH <em>zeus</em> pongvam cha’DIch mung’e’.</p>



<p><strong>crataebates:</strong> yItbogh ‘ej HoSbogh vay’.</p>



<p><strong>croceatas/krokeatas:</strong> <em>laconia</em>Daq <em>gythium</em> tu’lu’, ‘ej<em> gythium</em>Daq Sum <em>croceae</em> Daq. Daqvammo’ <em>zeus</em> pongvam cha’DIch qonlu’pu’.</p>



<p><strong>cronides/cronion/cronius/kronides/kronidis/kronion/kronios:</strong> <em>cronus</em> puqloD; <em>zeus</em> pongmey cha’DIch’e’ pongvam potlh law’ pong law’ potlh puS. vav pong (<em>cronus</em>) ‘oH pongvam cha’DIch mung’e’, ‘ej <em>zeus</em> Dellu’meH, roD pongvam cha’DIch lo’lu’.</p>



<p><strong>ctesius:</strong> juH, yer, Hoch’e’ ghajbogh nuv je Qanbogh vay’; mIp nobbogh vay’. <em>phlyus</em>Daq <em>zeus</em> pongvam cha’DIch lo’lu’pu’ je. <em>hermes</em> pong cha’DIch ‘oH je <em>ctesius</em>‘e’.</p>



<p><strong>dictaeus:</strong> <em>crete</em> ‘ambayDaq <em>crete</em> chan yoSDaq <em>dicte</em> HuD tu’lu’, pa’ <em>dictaion</em> DIS tu’lu’, DISvamDaq nenchoHpu’ <em>zeus</em>, ‘ej pa’ nenchoHtaHvIS, Qorghlu’. <em>dicte</em> HuDmo’ <em>zeus</em> pongvam cha’DIch qonlu’pu’. <em>pothereus</em> bIQtIq HeHDaq <em>prasus</em>Daq <em>zeus</em> <em>dictaeus</em> chIrgh tu’lu’pu’.</p>



<p><strong>dodonaeus:</strong> <em>dodona</em>Daq <em>zeus</em> lulIgh tu’lu’pu’, watlh lulIghvam net Dam, ‘ej ‘De’ ‘otHa’meH <em>zeus</em>, pa’ maqlegh ghogh lo’pu’. lulIghvam ‘oH <em>zeus</em> pongvam cha’DIch mung’e’.</p>



<p><strong>dolichaeus/dolichenus:</strong> <em>dolichene</em> 
Surya’ vengmo’ pongvam cha’DIch qonlu’pu’. qaStaHvIS vatlh DIS poH 
cha’DIch vatlh DIS poH wejDIch je (bovvam), roma’ wo’Daq noychoHtaH <em>zeus</em> <em>dolichaeus</em>/<em>dolichenus</em> lalDan.</p>



<p><strong>eleusinios:</strong> <em>eleusis</em> zeus. <em>ionia</em>Daq <em>zeus</em> quvmoHlu’taHvIS, pongvam cha’DIch lo’lu’ je.</p>-- <br>Dana'an<br><a href="https://sacredtextsinklingon.wordpress.com/">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div>