<div dir="ltr"><p><strong>apomyius/apomuios:</strong> <em>flies</em> DoHmoHbogh vay”e’. <em>olympia</em>Daq <em>zeus</em> pongvam cha’DIch lo’lu’pu’. <em>zeus</em> pongvam cha’DIch bopbogh wa’ pa’logh wanI’ tu’lu’: <em>olympia</em>Daq <em>zeus</em>vaD ‘anmoHtaHvIS <em>heracles</em>, <em>flies</em> ‘Iq tu’lu’, ‘ej <em>heracles</em> lunuQchoHpu’ ghewvam. ngugh ghewmeyvam DoHmoHmeH <em>heracles</em>, <em>zeus</em> <em>apomyius</em>vaD ‘anchoHmoHpu’, ‘ej SIbI’ HeDchoHpu’ ghewmey; tagha’ <em>alpheius</em> bIQtIqDaq jaHpu’. wanI’vam luSovpu’DI’ <em>eleans</em>, <em>zeus</em> <em>apomyius</em>vaD ‘anchoHmoHpu’.</p>



<p><strong>arbius/arbios:</strong> <em>crete</em>Daq HuD tu’lu’, HuDvamvaD <em>arbias</em> ponglu’, pa’ <em>zeus</em> quvmoHlu’pu’, ‘ej HuDvam pongmo’ <em>zeus</em> pongvam cha’DIch qonlu’pu’.</p>



<p><strong>archus apanton:</strong> Hoch ra’bogh vay”e’.</p>



<p><strong>areius/areios:</strong> pongvam cha’DIch QIjlu’meH, 
cha’ nger tu’lu’. nger wa’: <noH bopbogh vay”e’> pongvam cha’DIch 
QIj mu’tlheghvam, jatlh ngervam. nger cha’: <vangHa’pu’mo’ nuv, 
QeHchoHpu’ latlh, vaj latlhvam qeHHa’meH, vang nuv wa’DIch> <vay’ 
QIHpu’chugh nuv, vay’vam QIHpu’bogh yonchoHmoHmeH, vangchoH nuvvam, vaj 
vay’ nob, qoj toy’choH> Hochvam Del <em>areius</em>/<em>areios</em>, jatlh nger cha’DIch. ‘op pong cha’DIch ghaj je <em>athena</em>, <em>areia</em> ‘oH wa”e’, ‘ej <em>athena</em> pongvam cha’DIch QIjlu’meH, cha’ ngervam rap tu’lu’. pa’logh wa’ loD tu’lu’pu’, ‘ej loDvamvaD <em>oenomaus</em> ponglu’. ‘op puqbe’ ghajpu’ loDvam, ‘ej puqbe’vam tlhogh ‘op loD luneH loDvam; vaj Hoch loDvam qaDpu’ <em>oenomaus</em>, ‘ej Qappu’DI’ <em>oenomaus</em>, Hoch HoH. taghpu’pa’ Hoch qaDvam, zeus <em>areius</em>/<em>areios</em>vaD ‘anmoHpu’ <em>oenomaus</em>.</p>



<p><strong>argiceraunus:</strong> pe’bIl wov qembogh vay”e’.</p>



<p><strong>aristaeus:</strong> Sub ghaHbogh <em>aristaeus</em>‘e’ bop pongvam cha’DIch.</p>



<p><strong>arsen:</strong> rap ‘elaDya’ <arsen> tlhIngan {loD} je.</p>



<p><strong>asbamaeus/asbamaios:</strong> watlh ‘Ipmey, ‘ej watlhtaH net poQ; ngoQvam chavlu’meH, vang <em>zeus asbamaeus/asbamaios</em>. <em>cappadocia</em>Daq <em>tyana</em> veng tu’lu’pu’, <em>tyana</em>Daq Sumpu’ <em>asbamaeon</em>
 puH bIQ Hal, ‘ej DI’on le’ ‘aghpu’ Halvam bIQ. QaH ‘ej belchoHmoH 
bIQvam ‘e’ lutu’ nuv yuDHa’, ‘ach ‘Ippu’chugh vay’ ‘ej ‘IptaHvIS 
nepchugh, qoj ‘Ippu’chugh vay’ ‘ej ghIq ‘IpDaj pabHa’choHpu’chugh, 
nuvvam ropchoHmoH bIQvam. bIQvam tlhutlhchugh Sarvam nuv, ropchoHpu’mo’ 
mInDu’Daj, lunchoHmo’ porghDaj, ‘ej rIghchoHpu’mo’, bIQ Halvam 
DoHchoHlaHbe’chu’ nuvvam, vaj HeSDaj DISnISchoHpu’.</p>



<p><strong>asius/asios:</strong> <em>crete</em> ‘ambayDaq <em>asos</em>/<em>oasos</em> veng tu’lu’pu’, ‘ej vengvammo’ <em>zeus</em> pongvam cha’DIch qonlu’pu’.</p>



<p><strong>astrapaeus:</strong> pe’bIl Qachbogh vay”e’.</p>



<p><strong>atabyrius/ataburios:</strong> <em>rhodes</em> ‘ambayDaq <em>atabyris</em>/<em>atabyrion</em> HuD tu’lu’, ‘ej HuDvammo’ <em>zeus</em> pongvam cha’DIch qonlu’pu’. pa’ wa’ <em>zeus</em> chIrgh tu’lu’pu’. chIrghvam chenmoHpu’ wa’ <em>crete</em>ngan; <<em>althaemenes</em>>
 ‘oH pongDaj’e’. HuDvamDaq Sorpuq rom’on je tangqa’mey tu’lu’ net Har, 
‘ej lIbchoHDI’ wa’ wanI’ le’, ghughchoHpu’ tangqa’meyvam net Har je.</p>-- <br><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>