<div dir="ltr"><p><strong>altius:</strong> <em>olympus</em>Daq Daq le’ tu’lu’pu’; pa’ naHmey naHlet Sormey je lupochlu’pu’, watlh Daqvam net Dam, ‘ej DaqvamvaD <em>altis</em> ponglu’pu’. Daqvammo’ <em>zeus</em> pongvam cha’DIch tu’lu’.</p>



<p><strong>amarius:</strong> <em>arkadia</em>Daq <em>achaea</em>Daq <em>zeus</em> <em>athena</em> je pongvam cha’DIch lo’lu’pu’.</p>



<p><strong>ambulius/amboulios, ambulia/amboulia, ambulii/amboulioi:</strong> <em>zeus</em>, <em>athena</em>, <em>dioscuri</em> je quvmoHtaHvIS <em>sparta</em> nganpu’, Qunpu’vamvaD jatlhtaHvIS, pongmeyvam cha’DIch lo’. Qunpu’vam DI’on’e’ luDelbogh pongvam Sovlu’chu’be’, ‘ach chaq <<em>anavallo</em>> ‘oH pongmeyvam cha’DIch mung’e’. wot ‘oH <<em>anavallo</em>‘e’>, ‘ej tlhoS rap <<em>anavallo</em>> {mIm} je. Hegh wanI’ lumImmo’ <em>zeus</em>, <em>athena</em>, <em>dioscuri</em> je, Qunpu’vamvaD jatlhtaHvIS nuvpu’, pongmeyvam cha’DIch lo’.</p>



<p><strong>ammon:</strong> rap <em>zeus</em>, maSIr Qun <em>ammon</em> je ‘e’ luDam ‘op, vaj <em>zeus</em>vaD jatlhtaHvIS, pongvam cha’DIch lu’lo’ je.</p>



<p><strong>anax:</strong> Hoch voDleH; <em>anax</em> (Hoch voDleH) ghaH <em>zeus</em>‘e’.</p>



<p><strong>anchesmius/anchesmios:</strong> <em>attica</em>Daq wa’ HuD tu’lu’pu’, ‘ej HuDvamvaD <em>anchesmus</em> ponglu’pu’. HuDvamDaq (latlh <em>attica</em> HuDmeyDaq je) <em>zeus</em> Hew tu’lu’pu’, ‘ej <em>anchesmus</em> HuDmo’ pongvam cha’DIch ‘oghlu’pu’.</p>



<p><strong>anxurus:</strong> ‘Italya’ <em>campania</em>Daq <em>anxur</em>Daq (bovvam <em>terracina</em>Daq) wa’ Daq le’ tu’lu’pu’; pa’ naHmey naHlet Sormey je lupochlu’pu’, ‘ej watlh Daqvam net Dam. pa’ <em>zeus</em> chIrgh tu’lu’pu’, ‘ej chIrghvamDaq <em>zeus</em> HojnIy tu’qom quvmoHlu’pu’. <em>zeus</em> chIrghvammo’ <em>zeus</em> pongvam cha’DIch tu’lu’.</p>



<p><strong>apemius/apemios:</strong> vay’ mIgh ‘ombogh vay”e’. <em>attica</em>Daq <em>parnes</em> HuDDaq <em>zeus</em> <em>apemius</em>/<em>apemios</em> ‘anmoHmeH qachHom tu’lu’pu’, ‘ej pa’ <em>zeus</em>vaD ‘anmoHlu’pu’.</p>



<p><strong>apesantius/apesantios:</strong> <em>apesas</em> HuDDaq (<em>nemea</em>Daq Sum <em>apesas</em> HuD) <em>zeus</em> <em>apesantius</em>/<em>apesantios</em> chIrgh tu’lu’pu’. <em>perseus</em> ghaH pa’ zeusvaD ‘anmoHpu’bogh nuv wa’DIch’e’ net ‘Ir.</p>



<p><strong>aphesius:</strong> toDwI’/tlhabchoHmoHwI’. che’taHvIS <em>aiakos</em> –<em>peleus</em> vav- voDleH, SISbe’taHmo’, bechtaH ‘elaDya’nganpu’. ngugh <em>aiakos</em>vaD Qun mu’ lu’otHa’lu’pu’, ‘ej <em>aiakos</em> SovmoHlu’pu’: <em>zeus</em>vaD (<em>zeus</em>vaD <em>aiakos</em> vav Damlu’pu’) ‘annISmoH <em>aiakos</em>. vaj HeQpu’ <em>aiakos</em>, ‘ej <em>zeus</em>vaD ‘anmoHpu’DI’, SISchoHpu’, ‘ej Dorpu’ poH QaD. wanI’vammo’ <em>zeus</em>vaD <em>aphesius</em> pongchoHlu’pu’ je.</p>



<p><strong>aphthitus:</strong> HeghlaHbe’bogh vay’, jubbogh vay’.</p>



<p><strong>apobaterius:</strong> tenHa’bogh bIQ’a’ Duj beqpu’ Qanbogh vay’.</p>-- <br>Dana'an<br><a href="https://sacredtextsinklingon.wordpress.com/">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div>