<div dir="ltr"><p><strong>agetor</strong>: Qun law’ luponglu’meH, pongvam cha’DIch lo’lu’pu’, ‘ej <em>zeus</em> ponglu’meH, pongvam cha’DIch<em> </em>lo’lu’pu’ je. <em>lacedaemon</em>Daq qaSpu’ je wanI’vam, ‘ej pa’ pongvam cha’DIch lo’lu’pu’, Humanpu’ DevwI’ che’wI’ je ghaHmo’ <em>zeus</em>‘e’, ‘ej zeus DI’onmeyvam chIwlaw’mo’ pongvam cha’DIch. ‘ach latlh nger tu’lu’ je: <em>lacedaemon</em>Daq <<em>agetor</em>> lo’lu’pu’, rapmo’ <<em>agetor</em>> <<em>agamemnon</em>> je. <em>apollo</em> ponglu’meH, pongvam cha’DIch lo’lu’pu’ je, ‘ej <em>hermes</em> ponglu’meH, pongvam cha’DIch lo’lu’pu’ je. bIng qo’Daq Heghpu’wI’pu’ qeng <em>hermes</em>, ‘ej <em>megalopolis</em>Daq <em>hermes</em> <em>agetor</em> Hew tu’lu’pu’.</p>



<p><strong>agonius/agonios</strong>: ‘op Qun lurItlu’meH, pongvam cha’DIch lo’lu’pu’. ghu’ Qatlh DIghtaHvIS nuv, qoj qaD DIghtaHvIS, nuvvam luQaHmo’ <em>zeus</em> <em>apollo</em> je, Qunvam luponglu’meH, <em>agonius</em>/<em>agonios</em> lo’pu’ <em>aeschylus</em> <em>sophocles</em> je. ‘ach Hoch Sar qaDmey SeQ rangmo’ <em>hermes</em>, motlh <em>hermes</em>‘e’ rItlu’taHvIS, pongvam cha’DIch lo’lu’.</p>



<p><strong>agoraeus/agoraea/agoraia/agoraios:</strong> ‘elaDya’ tIQDaq ngevwI’pu’ DaqDaq ghom nuvpu’, ‘ej ‘op QunvaD nuvpu’vam QanwI’ luDamlu’. <em>zeus</em>, <em>athena</em>, <em>artemis</em>, <em>hermes</em> je chaH ‘op Qunvam’e’, ‘ej <em>agoraeus</em>/<em>agoraea</em>/<em>agoraia</em>/<em>agoraios</em> ‘oH wa’ Qunpu’vam pong cha’DIch’e’.</p>



<p><strong>aigidouchos/aigiochos:</strong> <em>zeus </em>jaghpu’, Qunpu’ vuvHa’bogh nuvpu’ je HajchoHmoH <em>aegis</em>, ‘ej <em>aegis</em> qengmo’ <em>zeus</em>, pongvam cha’DIch tu’lu’. ‘ach jaS Har latlhpu’: <em>zeus</em> je’pu’ wa’ gha’cher, ‘ej ngoDvam Del <em>aigidouchos</em>, {<em>aix</em>} {<em>oche</em>} je yughmo’ pongvam cha’DIch<em>.</em> ngervam luHar latlhvam.</p>



<p><strong>alastor:</strong> ta’mey mIghmo’ DIvchugh vay’, noD <em>zeus</em>. ngoDvam Del pongvam cha’DIch ‘e’ Har <em>hesychius</em>, ‘ach pongvam cha’DIch latlh lo’ tu’lu’ je: ‘op Qun ‘op <em>daemons</em> je tu’lu’, ‘ej latlhpu’ QIHchugh vay’, noD Qunpu’vam/<em>daemons</em>vam.
 Sarvam Deppu’ DelmeH ‘op, lot lutmey qonwI’pu’ je, pongvam cha’DIch 
luwIvpu’. pongvam lu’lo’pu’ ‘opvam, ‘ach pongvam cha’DIch lulo’qu’pu’ 
lot lutmey qonwI’.</p>



<p><strong>alexicacus/alexikakos:</strong> mIghwI’ ‘ombogh vay”e’. ‘op Qun rIttaHvIS ‘elaDya’nganpu’, pongvam cha’DIch lu’lo’, ‘ej <em>zeus</em> rIttaHvIS je, pongvam lu’lo’ je. <em>apollo</em> luquvmoHtaHvIS <em>athens </em>rewbe’, pongvam cha’DIch lu’lo’pu’ je, ‘ej wa’ wanI’ le’mo’ pongvam lu’lo’choHpu’: qaStaHvIS <em>peloponnese</em> noH, <em>athens</em>Daq qaSchoHpu’ wa’ rop’a’ Sagh. rop’a’vam ngabmoHpu’ <em>apollo</em> ‘e’ luHarmo’ <em>athens</em> rewbe’, <em>apollo</em> lupongmeH, <em>alexicacus/alexikakos</em> lu’lo’pu’ je. <em>heracles</em> ponglu’meH, pongvam cha’DIch lo’lu’pu’ je.</p>-- <br>Dana'an<br><a href="https://sacredtextsinklingon.wordpress.com/">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div>