
<html><head><meta http-equiv="Content-Type" content="text/html; charset=utf-8"></head><body style="word-wrap: break-word; -webkit-nbsp-mode: space; line-break: after-white-space;" class="">naDev DIvI’ Hol vIlo’DI’ jInuQ ‘e’ vISovmoHlu’ta’. nuQbe’law’ latlhpu’.<br class=""><br class="">qar’a' qechvam? ram vuDwIj ‘ej jISaHbe’. potlhlaw’ latlh vuD ‘ej SaHlaw’. qeSDaj vIlaj.<div class=""><br class=""></div><div class="">vaj tlhIngan Hol vIlo’nIS pagh jItamnISchu’. qay’be’. naDev ghaytan tlhoy DIvI’ Hol lo’lu’. qaStaHvIS DISmey law’ Holvam wIHaD ‘ej wInuD ‘ej wIwaH. qatlh? chaq wIlo’choH net pIH?</div><div class=""><br class=""></div><div class="">DaH wIlo’be’chugh, ghorgh wIlo’choH?</div><div class=""><br class=""></div><div class="">‘ach tlhIngan Hol vIlo'taHvIS qech vIqelbogh vIwuqnIS ‘ej Qatlh Qu’vam. qechmey law’ vIghaj, ‘ach roD jIjatlhDI’ ‘IjwI’ vIqel. ‘IjwI’vaD Daj’a’ qech?</div><div class=""><br class=""></div><div class="">naDev roD Daj tlhIngan Hol neH. ‘ach HolQeD’e’ puS tlhIngan Hol mu’mey. vaj Hol rIchlu’meH roD DIvI’ Hol lo’lu’. vaj naDev, roD DIvI’ Hol lo’lu’.</div><div class=""><br class=""></div><div class="">maSovchuq’a’? maja'chuqchugh ‘ej tlhIngan Hol wIlo’ ‘ach tlhIngan Hol wIrIchbe’, nuq wIjatlh?</div><div class=""><br class=""></div><div class="">juppu’wI’ tlhIH’a’? tuparHa’’a’? tuSaH’a’? SaparHa’’a’? SaSaH’a’?</div><div class=""><br class=""></div><div class="">QIntetlhvamDaq qabDu’ DIHutlh. QInmey tlhuDlu’. DoS Hutlh. QInvam laD ‘Iv? yajlaHbe’ ‘op. SaHbe’ ‘op. ghaytan ‘opvaD nuQ.</div><div class=""><br class=""></div><div class="">Huj Humanpu’.</div><div class=""><br class=""></div><div class="">vaj QInvam vIqonpu’mo’, jIHujba’.</div><div class=""><br class=""><div class="">

<meta charset="UTF-8" class=""><div dir="auto" style="caret-color: rgb(0, 0, 0); color: rgb(0, 0, 0); letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none; word-wrap: break-word; -webkit-nbsp-mode: space; line-break: after-white-space;" class=""><div>pItlh</div><div><br class=""></div><div>charghwI’ ‘utlh</div><div>(ghaH, ghaH, -Daj)</div><div class=""><br class=""></div></div><br class="Apple-interchange-newline"><br class="Apple-interchange-newline">

</div>

<br class=""></div></body></html>