<div dir="auto">***** SPOILER ALERT *****<br>
***** SPOILER ALERT *****<br>
***** SPOILER ALERT *****<br>
<br>
lut mIrvam Hoch vIbejpu', 'ej wa' vIjatlhnIS: povchu' jay'!!! lut mIrvam Hoch vIbejmeH, lojmItjaj vorgh qaStaHvIS vagh rep, lut mIrvam vIbejtaH, 'ej jaj wa' vorgh qaStaHvIS latlh vagh rep, lut mIrvam vIbejtaH; 'ej vabDot jIDoy'qu'choHpu'DI', jImevlaHbe'pu'.<br>
<br>
jIyIntaHvIS, lut mIrmey vItoghlaHbe'bogh vIleghpu'; povchu' 'op; 'ej lut mIr Sarvam 'oHbej squid game'e'. povchu' jay'!!!<br>
<br>
teH, muSujchu'pu' 'op 'ay'Daj; teH.. 'ej bI'reS HeghchoHtaHvIS Qujvam QujwI'pu', chaH vIvupchoHpu'. 'a rInDI' qaD wa'DIch, 'ej lappu'DI' QujwI'pu', tlhabchoHpu', Hoch QujwI'pu' jonHa'pu'mo' squid game loHwI'pu'.<br>
<br>
'a ghIq squid game lucheghpu' 'e' luwuq HochHom QujwI'pu', 'ej chIch HeghmoHbogh Quj luQuj 'e' lulaj, vaj tagha' pagh vIvuppu'.<br>
<br>qaStaHvIS Qujvam, Qujvam lughangmeH QujwI'Daj, reH lapqa'laHtaH, 'a DuHvam luqelbe'..<div dir="auto"><br></div><div dir="auto">'ej QujtaHvIS, wa' HoHqangtaH latlh net lIjbe'nIS.</div><div dir="auto"><br></div><div dir="auto">DaH.. muSujpu'bogh 'ay'mey'e', muSujchu'pu' wej:</div><div dir="auto"><br></div><div dir="auto">1. pel'aQmey ribbons Doq; Heghpu'wI'pu' nuSlaw'.</div><div dir="auto"><br></div><div dir="auto">2. pel'aQDaq Heghlaw'pu'bogh nuv lanlu', 'a wej Heghchu'pu' nuvvam. narghmeH, nIDchoH nuvvam, vaj pel'aQ yuvtlhe' yuvchoH. 'a ngugh pel'aQ qoDDaq nuvvam ghop yuv 'avwI', 'ej vIncha'Daq pel'aQ vo' 'avwI'.</div><div dir="auto"><br></div><div dir="auto">3. tug of war ravDaq Heghpu'bogh QujwI'pu' 'Iw tu'lu', 'ej rav luSay'moHmeH 'avwI', 'IwDaq bIQ lughay.</div><div dir="auto"><div dir="auto"><br></div><div dir="auto">tagha' latlh vIjatlhnIS je': naS Qujvam loHwI'pu', 'a maychu': tagha' Qujvam QapwI'vaD Hoch lulay'pu'bogh lunobpu'.</div><div dir="auto">
<br>
Anyways..<br>
<br>
povchu' lut mIrvam, 'ej lut mIrvam luDellaHbogh mu' vISamlaHbe'.<br>
<br>
povchu' jay'. 'ej lut mIrvam leghnIS lut mIr Sarvam parHa'bogh Hoch 'e' vIHar.<div dir="auto"><br><div data-smartmail="gmail_signature" dir="auto">--<br>Dana'an <br><a href="https://sacredtextsinklingon.wordpress.com/" rel="noreferrer noreferrer noreferrer noreferrer" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div></div>