<div dir="ltr"><div>qo’vam chut pabnISlu’bogh tu’lu’, ‘ej chutvamvaD <em>themis</em> ponglu’; chutvam pabHa’lu’chugh, qaS lam’a’. < <em>zeus</em> be’nal wa’DIch ghaH <em>themis</em>‘e’ >; <em>themis</em> Dellu’meH, motlh jatlhlu’. ‘ej nIvchu’bogh chenmoHwI’-Qun ghaH <em>zeus</em>‘e’,
 ‘ej chalmey voDleH ghaH je. vangmeH wIvmey lugh Del Qunpu’, ‘ej 
wIvmeyvam lajtaHvIS nuv, ‘ej ghIq bIHmo’ vangtaHvIS, ngugh qo’ chut 
pabnISlu’bogh pab nuv, taH chutvam, ‘ej ngugh SaH <em>themis</em>. ‘ach 
qo’ chut pabnISlu’bogh pabHa’chugh pagh pabbe’chu’chugh nuv, Qunpu’ 
jembe’choH nuv, Qunpu’vo’ chev’egh nuv, Qunpu’ jemlaHbe’chu’, nuvvam 
luchol bIjbogh qa’, ‘ej tagha’ wunchoHchu’ nuvvam. vaj ngugh paw noDbogh
 <em>nemesis</em> Qun, ‘ej qaStaHvIS nuv yIn, qaStaHvIS qorDu’ yIn, qoj qaStaHvIS nugh yIn, qo’ chut pabnISlu’bogh pabHa’choHchugh nuv, vangchoH <em>nemesis</em>. <em><em>aidos</em></em> (tuHmoHbogh<em> <em>daimon</em></em>) ghaH <em>nemesis</em> tlhejwI”e’, ‘ej <em>erinyes</em> (lam’a’ QeH, lam’a’ Duypu’) chaH puqbe’Daj’e’. yInbogh lam’a’ Duy chaH <em>erinyes</em>‘e’
 net yajlaH, ‘ej QeH luchIw. vaj Qun chut SommI’ ‘oH lam’a”e’: qaSpu’DI’
 pabHa’bogh vangpu’ghach, ghIq qaS ruv ghob je, ‘ej wanI’vam junlaH 
pagh; Hochvam chIw lam’a’.</div><br>-- <br><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>