<div dir="ltr">‘elaDya’ lalDan Qu’mey turtaHvIS nuv, Say’taHghach lam’a’ je qeltaH 
nuvvam net Sov. Say’taHghach lam’a’ je De’ lu’otHa’ vabDot ‘eqbogh 
‘elaDya’ lurDech lujatlhlu’bogh; pa’ rarchuq lam’a’ puj je, ‘ej rarchuq 
je Say’taHghach HoS je. vaj tay’taH Qunpu’ nuv je neHchugh nuvvam, ‘ach 
ngoQvam chavlaHbe’chugh, chaq lam’a’mo’ qaS ghu’vam qay’. ‘ach DaH cha’ 
ngoD luSovnISlu’; ngoD wa’: < yempu’ <em>adam</em> <em>eve</em> je > jatlh <em>christianity</em> paQDI’norgh. ‘ach <em>christianity</em>
 ngervam Sar ‘oHbe’ lam’a”e’. ngoD cha’: qo’ chenmoHlu’bogh DI’on ‘ut 
‘oHbe’ lam’a”e’. ngoD wa’DIch’e’ vay”e’ jatlhbogh ‘elaDya’ lalDan 
yajnISlu’: nIt Humanpu’ ‘ej Dotlhchaj motlh ‘oH Dotlhvam’e’. Qun qa’ ‘oH
 Human qa”e’, ‘ej Qunpu’ mung ghaj Human qa’. ngoD cha’DIch”e’ <em>iamblichus</em>
 mu’ luyajnISlu’: < nIvchu’bogh DI’ruj wa’DIch tu’lu’, ‘ej tay’chu’ 
Qunpu’ DI’rujvam wa’DIch je. DI’rujvam wa’DIchDaq tagh Qunpu’ qo’, ‘ej 
bIng Hap qo’ SIch Qunpu’ qo’. chuqvam Hoch chIq Qunpu’ qo’ >. vaj Hap
 qo’ wIDabbogh luchenmoHpu’mo’ Qun, Qun qo’ ‘oH, ‘ej potlhchu’bogh Hap 
qo’vam DI’on ‘oH Hap qo’maj DI’onvam’e’. Dop nItwI’ lam’a’ je, ‘ach 
Dopbe’ nItwI’ qo’vam je.<br clear="all"><br>-- <br><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>