<div dir="ltr">wej potlhchu’bogh qech’a’ Del ‘elaDya’ lalDan: lam’a’ (<em>miasma</em>), Say’choHghach (<em>katharmos</em>), Say’taHghach (<em>katharsis</em>) je.<div>



<p>{Qu’ jajmey je} qonpu’ <em>hesiod</em>, ‘ej pa’ (724-6 je qubbID) jatlhpu’: < jajlo’, <em>zeus</em>vaD
 latlh jubwI’pu’vaD je ghonbogh ghIrep HIq yIlIchQo’, wa’DIch ghopDu’lIj
 DaSaymoHpu’be’chugh; mu’meylIj Qoybe’ Qunpu’, ‘ach SoHDaq mu’meylIj vuj >. Qunpu’vaD cha’nob nobchugh nuv, ‘ach cha’nobvam nobtaHvIS, 
wa’DIch ghopDu’Daj SaymoHpu’be’chugh nuvvam, cha’nobvam lulajQo’ Qun; 
rarchuq ngoDvam, wej potlhchu’bogh ‘elaDya’ lalDan qech'a' je: 
Say’choHghach, Say’taHghach, lam’a’ je.</p>



<p>Say’taHghach<em>: </em>qaStaHvIS tay, nIttaH nuv; ghu’vam ‘oH Say’taHghach’e’. qo’Daq chut pabnISlu’bogh tu’lu’, chutvamvaD <em>themis</em> ponglu’, ‘ej Say’taHghach chIwtaHchugh nuv, <em>themis</em>
 tlhochbe’ nuv, qo’ chut pabnISlu’bogh ‘oHmo’ Say’taHghach’e’. 
Say’taHghach chavnIS Hoch Human; ‘ut ngoQvam. ‘ej Qunpu’ quvmoHtaHvIS 
nuv, Say’taHghach chIwnIStaH nuv, ‘utchu’mo’ ghu’vam, qaStaHvIS tay. 
Qunpu’ quvmoHtaHvIS vay’, Say’taHghach Dotlh chIwbe’taHchugh, tagha’ qey
 Hoch qa’ vangta’ghach < mu’meylIj Qoybe’mo’ Qunpu’, ‘ach SoHDaq 
mu’meylIj vuj > (<em>hesiod</em> {Qu’ jajmey je}, 724-6 je qubbID). 
vaj Human nughDaq Qunpu’ ratlhmoHmeH nuvpu’, nItnISchu’taH nuvpu’ net 
yaj. qa’ nIt Dotlh luchIwtaH nuv; Human nughDaq ratlhtaH Qunpu’; quq 
cha’ wanI’vam.</p><p>lam’a’<em>:</em> qaStaHvIS tay, nItbe’ nuv; ghu’vam ‘oH lam’a”e’. qa’ lammoHbogh vay”e’ ‘oH lam’a”e’. <em>energy</em> Sar ‘oH. ‘ach <em>energy</em>vam
 per nuv; ngeDbe’. lam’a’ DelmeH vay, jatlhlaH: < SaHtaHbogh 
Say’Ha’ghach ‘oH >. Hap qo’vamDaq bogh Hoch, ‘ej Hap qo’vamDaq tagh Hoch 
ta’mey, ‘ach qo’ chut pabnISlu’bogh pabHa’ ‘op , vaj SaHtaHbogh 
Say’Ha’ghachvam lIng ‘opvam, ‘ej ‘opvam nItHa’moH SaHtaHbogh 
Say’Ha’ghachvam.</p></div>-- <br>Dana'an<br><b><a href="https://sacredtextsinklingon.wordpress.com/">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</b></div>