<div dir="ltr"><p><strong>deipneus:</strong> loD ghaHbogh bID-Qun’e’. ‘uQ vutmeH mIw bID-Qun ghaH. tIr ngogh vutmeH mIw bID-Qun ghaHchu’.</p>



<p><strong>eileithyia:</strong> be’ ghaHbogh Qun’e’. boghmoH be’; wanI’vam Qun.</p>



<p><strong>enyalius:</strong> loD ghaHbogh Qun QIv’e’. noH Qun.</p>



<p><strong>enyo:</strong> be’ ghaHbogh Qun’e’. Qaw’bogh noH; Sarvam noH Qun.</p>



<p><strong>epidotes:</strong> <em>lacedaemon</em>Daq Qunvam quvmoHlu’pu’.</p>



<p><strong>glycon:</strong> loD ghaHbogh <em>snake</em>-Qun’e’.</p>



<p><strong>harpocrates:</strong> loD ghaHbogh Qun’e’. tamlu’; ghu’vam Qun.</p>



<p><strong>hebe:</strong> be’ ghaHbogh Qun’e’. HojnIy ghaH vay’; ghu’vam Qun. <em>olympus</em> Qunpu’ HIvje’ qemwI’.</p>



<p><strong>hermaphroditus:</strong> loD ghaHbogh Qun’e’. nuv 
porghDaq be’ loD je ngaghmeH porgh ‘ay’mey tu’lu’; nuvpu’vam Qun. be’ 
DI’onmey ‘agh loD; loDpu’vam Qun.</p>



<p><strong>horae:</strong> repmey. be’ chaHbogh Qun’e’. ‘umbermey QapmeH mIw motlh Qunpu’. pongmey: <em>eunomia</em> (Qapchu’ Hoch; qaSchoH tujchoHbogh qImroq; qaSchoHtaHvIS tujchoHbogh qImroq, SuDbogh yotlhmey tu’lu’; Hochvam Qun), <em>dike</em> (ruv qa’. qaStaHvIS tujchoHbogh qImroq, tInchoH San’emDermey; chaq wanI’vam ‘oSpu’), <em>eirene</em> (roj qa’. tujchoHbogh qImroq Qun). qaStaHvIS tujchoHbogh qImroq tInchoH San’emDermey; wanI’vam Qunpu’: <em>thallo</em> (tujchoHbogh qImroq ghubmey, tujchoHbogh qImroq narghpu’bogh bartIqmey, tujchoHbogh qImroq narghpu’bogh pormey je Qun. rap <em>eirene</em> <em>thallo</em> je net Dam), <em>auxo</em> (qaStaHvIS tujchoHbogh qImroq, tInchoH San’emDermey; wanI’vam Qun), <em>karpo</em> (tera’ naHmey Qun). Do’lu’ Quchlu’ cheplu’; ghu’vam Qunpu’: <em>pherousa</em> (qemwI’), <em>euporie</em> (vey’lu’), <em>orthosie</em> (cheplu’). ‘umber poHmey, jaj poHmey je Qunpu’: <em>auge</em> (po tamghay wa’DIch), <em>anatole</em> (<em>anatolia</em> joq) (po narghchoH jul), <em>mousika</em> (<em>musica</em> joq) (po poH, QoQ muchlu’; po poH HaDlu’; poHvam), <em>gymnastika</em> (<em>gymnastica</em>, <em>gymnasia</em> joq) (po poH porghDaj HoSmoH vay’; po poH porghDaj laH leHmoH/ghurmoH vay’; poHvam), <em>nymphe</em> (po poH HaH’egh vay’, po poH porghDaj Say’moH vay’; poHvam), <em>mesembria</em> (DungluQ), <em>sponde</em> (megh Soppu’DI’ vay’, Qunpu’vaD lIch vay’; quvmoHmeH mIwvam), <em>elete</em> (Qunpu’vaD SoQ jatlh vay’; SoQvam. pov vummeH rep wa’DIch), <em>akte</em> (<em>acte</em>, <em>cypris</em> joq) (Soplu’, bel SIQlu’. pov vummeH rep cha’DIch), <em>hesperis</em> (Dorbogh jaj choS poH), <em>dysis</em> (DortaHvIS jaj, nargh jul; poHvam), <em>arktos</em> (ram poH chal, Dotrar). DIS qImroqmey Qunpu’: <em>eiar</em> (tujchoHbogh qImroq), <em>theros</em> (tujqu’bogh qImroq), <em>pthinoporon</em> (bIrchoHbogh qImroq), <em>cheimon</em> (bIrqu’bogh qImroq).<br></p><p>-- <br></p><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>