<div dir="auto">ghunchu'wI',<div dir="auto"><br></div><div dir="auto">*curiosity*mo' QIn wa'DIch vIngeHpu', 'a 'op DayajHa'chu', vaj SoHvaD 'opvam vIQIj.<div dir="auto"><br></div><div dir="auto">ngoD wa':</div><div dir="auto"><br></div><div dir="auto">'op nuv tu'lu', 'ej po'wI'na' chaH 'e' luHar nuvvam. vaj Holvam voDleHpu' DataH. 'a not Qatlhchu'bogh vay' luQIjlaHpu'.</div><div dir="auto"><br></div><div dir="auto">ngoD cha':</div><div dir="auto"><br></div><div dir="auto">'op taghwI' tu'lu', 'ej not laHchaj luDubmoHlaHmo', tagha' taghtaHwI'pu'na' moj. ghaw'pu' chaHmo', bochmoHwI'pu'na' DataH, 'ej po'wI'pu'qoqvaD tortaH.</div><div dir="auto"><br></div><div dir="auto">ngoD wej:</div><div dir="auto"><br></div><div dir="auto">'upchu' ngoD wa', ngoD cha' je..</div><div dir="auto"><br></div><div dir="auto">ngoD loS: </div><div dir="auto"><br></div><div dir="auto">vabDot discord/facebook/zoom je qep tu'lu'chugh, 'ej vabDot pa' jeSchugh nuv law', qaghel ghunchu'wI': < Qatlhchu'bogh vay' lumughlaH nuv 'ar? > vaj chay' potlh qepmeyvam?</div><div dir="auto"><br></div><div dir="auto">ngoD vagh:</div><div dir="auto"><br></div><div dir="auto">qaStaHvIS qepmeyvam, vabDot pa' jeSchugh po'wI'pu'na', jIjeSqangbe'qa'. ngoD javmo' qaS wanI'vam..</div><div dir="auto"><br></div><div dir="auto">ngoD jav:</div><div dir="auto"><br></div><div dir="auto">wa' ngoQ le' vIchavmeH, tlhIngan Hol vIghojpu'. 'ej discord/facebook/zoom je qepmey bopbe'chu' ngoQvam.</div><div data-smartmail="gmail_signature" dir="auto"><br></div><div data-smartmail="gmail_signature" dir="auto">ngoD Soch:</div><div data-smartmail="gmail_signature" dir="auto"><br></div><div data-smartmail="gmail_signature" dir="auto">bIjatlhpu', ghunchu'wI': < ghItlhmey DaneHchugh, bIDo'qu'. qen nargh tlhIngan Hol paqmey law'. ></div><div data-smartmail="gmail_signature" dir="auto"><br></div><div data-smartmail="gmail_signature" dir="auto">'ej SoHvaD jIjang: pagh ghItlhmey vIneH, pagh paqmey vIneH. Holvam vIlo'taHvIS, Hoch vIjatlhnISbogh vIjatlhlaH vIneH. 'ej wejHa' laHvam vISuqpu'. vaj DaH jIHvaD pagh lunoblaH ghItlhvam/paqvam.</div><div data-smartmail="gmail_signature" dir="auto"><br></div><div data-smartmail="gmail_signature" dir="auto">ngoD chorgh:</div><div data-smartmail="gmail_signature" dir="auto"><br></div><div data-smartmail="gmail_signature" dir="auto">chaq bISIv, ghunchu'wI': < ja'chuq Dana'an latlhpu' je 'e' SaHbe'chu'chugh Dana'an, vaj qatlh naDev tlhIngan QInmey ngeH? ></div><div data-smartmail="gmail_signature" dir="auto"><br></div><div data-smartmail="gmail_signature" dir="auto">naDev jeS SuStel 'op vIvuvchu'bogh je. nuvpu'vammo' vIvuvchu'bogh naDev QInmey vIngeH.</div><div data-smartmail="gmail_signature" dir="auto"><br></div><div data-smartmail="gmail_signature" dir="auto">vItna' bIH chorgh ngoDvam'e', 'ej 'e' Daparchugh, jISaHbe'.</div><div data-smartmail="gmail_signature" dir="auto"><br></div><div data-smartmail="gmail_signature" dir="auto">~ Dana'an</div></div></div>