<html><head><meta http-equiv="Content-Type" content="text/html; charset=utf-8"></head><body style="word-wrap: break-word; -webkit-nbsp-mode: space; line-break: after-white-space;" class=""><div class="">Hujpu’ tera’ DIS cha’maHcha’maH (cha’SaD cha’maH).</div><div class=""><br class=""></div><div class="">qub yaHwIj vISuchmeH jaj. roD juHwIjDaq jIvum. qaStaHvIS vummeH repmey, De’wI’wIjDaq jIba’. QInmey vIjang. qepHeymeyDaq jIjeSlaw’.</div><div class=""><br class=""></div><div class="">rut <<HIngaQHa’moH-toD>> vIlo’. nIqHom ‘oH. muchaw’chugh latlh, De’wI’Daj vIra’laH.</div><div class=""><br class=""></div><div class="">pIj Qu’vaD vIloStaH. Dal. bIghHa’Daq poH rurchoH vummeH jajwIj.</div><div class=""><br class=""></div><div class="">latlhpu’ vIQaHDI’, QaQ jaj. law' jajmey QaQ’, vaj roD jIvIngQo’.</div><div class=""><br class=""></div><div class="">javmaH jav ben jIboghpu', vaj jIHvaD Qoblaw’ ghu’, ‘ach latlh chaq-jIHegh meq vIHutlh. jIpI’be’. pIv taghDu’wIj. pIv tIqwIj.</div><div class=""><br class=""></div><div class="">parHa’chuqchu’mo’ be’nalwI’ jIH je jIDo’qu’. qaStaHvIS poH HochHom, matay’.</div><div class=""><br class=""></div><div class="">jImobDI’ pIj <<*Zelda* tlhay’Ha’wI’ tlhuH>> vIreH…</div><div class=""><br class=""></div><div class="">jISov. wej ben chenmoHpu’ Qujvam. jISaHbe’. *Hayrul*Daq jIyIt, jItoS, jIQal, jIpuv, ‘ej jISuv ‘e’ vItIvtaH. *lot ghenan* vIHoHqa’ta’mo’ jIreHqa’DI’, vIHoHpa’, Quj vItaghqa’. bI’reS jISuchqa’.</div><div class=""><br class=""></div><div class="">wa'vatlh wa’maH Hut “shrine”mey vIcharghDI’, Quj vItaHqa’. *motorcycle* vItIvbe’. vISuqta’, ‘ach Qu’ vItIvbe’, vaj bI’reS vImaS.</div><div class=""><br class=""></div><div class="">‘ej Dalmo’ Qu’, puvlaHbe’bogh bo’Deghmey vISamQo’, vaj wa’vatlh cha’maHDIch *shrine* vIcharghlaHbe’... </div><div class=""><br class=""></div><div class="">qen "Hylean pants, barbarian chest armor, and Tingle’s pointy hat” vItuQ. wej yaD’a’ vISuq. wa’maH cha’ tIqDu’ vIghaj, vaj tugh vISuqba’. pagh “Devine Beast” vISuvpu’.</div><div class=""><br class=""></div><div class="">batlh *Hayrul*vaD jISuvtaH!</div><br class=""><div class="">
<div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none;">charghwI’ vaghnerya’ngan<br class=""><br class="">rInpa’ bomnIS be’’a’ pI’.</div>
</div>
<br class=""></body></html>