<div dir="auto"><div dir="auto">ramvetlh, yIttaHvIS melkor pIn'a' ghojwI'Daj je, ghojwI' ghelta' pIn'a'..</div><div dir="auto"><br></div><div dir="auto">- ghojwI', HIja'; nuchIwchu'bogh bo'Degh DaSov'a' ?</div><div dir="auto">- HIja', jangta' ghojwI', owl 'oH.</div><div dir="auto">- 'ej qatlh nuchIw bo'Deghvam'e' ? ghelqa'ta' pIn'a'.</div><div dir="auto"><br></div><div dir="auto">'a tampu' ghojwI'..</div><div dir="auto"><br></div><div dir="auto">vaj, jatlhqa'ta' pIn'a':</div><div dir="auto"><br></div><div dir="auto">'op nuvpu' gheptaHvIS Hurghchu'ghach, vum nuvpu'vam.. qaStaHvIS Hurghchu'ghach, leghchu' nuvpu'vam. qaStaHvIS Hurghchu'ghach, qa'chaj DI'onmey 'angchu' nuvpu'vam.</div><div dir="auto"><br></div><div dir="auto">eru illuvatar nepbogh mu'mey lajchu'ta'Qo' nuvpu'vam, 'ej eru tamghayqoq ngeb lulajchu'ta'Qo' je. melkor Hurghchu'ghachmo', vemchu' rIntaH nuvpu'vam qa'..</div><div dir="auto"><br></div><div dir="auto">vay' DatlhojnIS ghojwI'; qIjbe' Hurghchu'ghach, maHvaD 'e' ghojmoH melkor.. 'ej wovbe' eru illuvatar tamghayqoq; maHvaD 'e' ghojmoH je joHma'.</div><div dir="auto"><br></div><div dir="auto">Heghpu'DI' jaj, 'ej qaSchoHpu' ram, qaStaHvIS ramvam Hurghchu'ghach, Hurghchu'ghachvam bamvIpbe' owl, 'ej QIbmeyDaq 'oHtaHvIS owl'e', juHDajDaq 'oHtaH 'e' jem bo'Deghvam..</div><div dir="auto"><br></div><div dir="auto">vaj, meqmeyvam nIbmo' nuchIwchu' owl..</div><div dir="auto"><br></div><div dir="auto">mu'meyvam jatlhta' pIn'a', 'ej ghIq weQ qIj meQchoHmoHpu', jatlhtaHvIS..</div><div dir="auto"><br></div><div dir="auto">'ach.. mu'mey 'Iq DIjatlhta', 'ej DaH qaSchoHpu' vummeH poH..</div><div dir="auto"><br></div><div dir="auto">~ mayqel qunen'oS</div></div>