<div dir="auto">rItmeH mu'mey jatlhpu'DI', nargh lojmIt'a'..<div dir="auto"><br></div><div dir="auto">melkor qo' 'elmeH taw 'oH lojmIt'a'vam'e', 'ej DInvam 'elpa' melkor maqlegh, wa' ngoD Sovchu':</div><div dir="auto"><br></div><div dir="auto">lojmItvam'a' luveghpu' nuv law', 'ach cheghpu' pagh..</div><div dir="auto"><br></div><div dir="auto">pa', QamtaHvIS maqlegh, pe'vll lojmIt'a'vo' luqIptaH meQbogh SuSmey, 'ej melkor qo'mey mIgh leghchoHtaHvIS, loQ baw'Ha'choH.</div><div dir="auto"><br></div><div dir="auto">yabDajDaq narghchoH yInDaj vorgh mIlloghmey, 'ej chaq ngugh qa'Daj Dop Hurgh QapchoH qa'Daj Human Dop.</div><div dir="auto"><br></div><div dir="auto">'a, SIbI', wanI'mey SIQpu'bogh qawchoH, 'ej tIqDaj charghqa'chu' QeH.</div><div dir="auto"><br></div><div dir="auto">vaj, nachDaj tlhe'choH, 'ej tera' leghqa'pu'DI', jatlh, qorDu'Daj juppu'Daj je QubtaHvIS:</div><div dir="auto"><br></div><div dir="auto">.. ghargh puqpu', SunIDpu'; SunIDpu', 'a SuQappu'be'. jaghna'ra' jIHchoHpu', 'ej reH jaghna'ra' jIHtaH. </div><div dir="auto"><br></div><div dir="auto">mu'meyvam jatlhpu' melkor maqlegh, 'ej ghIq lojmIt'a' veghpu'.</div><div dir="auto"><br></div><div dir="auto">~ mayqel qunen'oS</div></div>