<div dir="ltr"><div dir="ltr"><div dir="ltr"><p style="margin:0px;font-stretch:normal;line-height:normal;color:rgb(0,0,0)"><span style="-webkit-font-kerning: none;"><span class="gmail-Apple-tab-span" style="font-size:11px;font-family:"Helvetica Neue";white-space:pre">        </span></span></p><p style="margin:0px;font-stretch:normal;line-height:normal;color:rgb(0,0,0)"><span style="-webkit-font-kerning: none;"><span class="gmail-Apple-tab-span" style="font-size:11px;font-family:"Helvetica Neue";white-space:pre"><i>Hurghbogh chal wov</i></span></span></p><p style="margin:0px;font-stretch:normal;line-height:normal;color:rgb(0,0,0)"><span style="-webkit-font-kerning: none;"><span class="gmail-Apple-tab-span" style="font-size:11px;font-family:"Helvetica Neue";white-space:pre"><br></span></span></p><p class="MsoNormal" style="margin:0cm 0cm 0.0001pt;font-family:Calibri,sans-serif;color:rgb(0,0,0);text-align:justify;line-height:32px"><span style="font-size:16pt;line-height:42.66667175292969px;font-family:"Times New Roman",serif">       </span><span style="line-height:42.66667175292969px;font-family:"Times New Roman",serif">vagh 'uj. vagh 'uj 'aD QorwaghwIj, jIlwI' Qorwagh je joj. po jIvemDI' ngogh moH yughbogh reD 'oH jorchan'e' vIleghbogh. nom puQchoH nuv HochHom, jorchanvam moHmo', 'ach jIH'e', jIpuQbe'. lang QorwaghwIj 'ach woch je. vaj QongDaqwIj 'eSDaq jIQottaHvIS chal'e' vIleghlaH. qImroq bIr SIqa'ghoDaq HurghtaH 'ej wovtaH chalvetlh net Sov 'a mubelmoH not 'e' mev.</span></p><p class="MsoNormal" style="margin:0cm 0cm 0.0001pt;font-family:Calibri,sans-serif;color:rgb(0,0,0);text-align:justify;line-height:32px"><span style="line-height:42.66667175292969px;font-family:"Times New Roman",serif">         jIHu'DI', pIj SIbI' QongDaqwIj vIghIHHa'moH. SIbI' yopwaHwIj vItuQchoHbe'. vutpa' vIghoS nIvnav SeQHa' neH vItuQtaHvIS. pa' qa'vIn vutmeH jan tlhopDaq jIQam Qu'Hom Sar, yIn wanI' ram je vIqeltaHvIS. HIvje'wIj vItebDI', pa'wIj vIchegh pagh no'laS pa'Daq jIba' 'ej Qorwagh retlhDaq jIba' 'ej jIH Dung vIbuSchoH.<span></span></span></p><p class="MsoNormal" style="margin:0cm 0cm 0.0001pt;font-family:Calibri,sans-serif;color:rgb(0,0,0);text-align:justify;line-height:32px"><span style="line-height:42.66667175292969px;font-family:"Times New Roman",serif">         QIt pe'vIl chalvo' pumtaH chal chuch 'e' vIbej. qa'vInwIj vIQoy'moH 'e' vIjun 'e' vInID. De' chu' ghItlh vIpoSmoH 'ej QIt 'oH vIlaD. SIbI'Ha' tlhaq vI'ol. jImoDbe'chugh, vaj jIpaSbej. 'utwI'meywIj Sar vIyIr 'ej DorDI' wa'maH tup qubbID, jItlheDrupchu'. rowIjDaq qIjbogh wepwIj 'ugh vItuQmoH. lojmIt vIvegh.<span></span></span></p><p class="MsoNormal" style="margin:0cm 0cm 0.0001pt;font-family:Calibri,sans-serif;color:rgb(0,0,0);text-align:justify;line-height:32px"><span style="line-height:42.66667175292969px;font-family:"Times New Roman",serif">         SIqa'gho tawmeyDaq jIyIttaHvIS, chal vIbuS 'e' vImevbe'. 'ej qabwIjDaq chal chuch ru'qu' vIjem 'e' vItIv. bIr rewve'vam 'ach SImyon vISImQo'. bIr neH. DaHjaj mI' vIpoQbe'! lupwI' mIr jen manggha vIpaw. tIHmey retlhDaq jIQamtaH. tIHmeyDaq veQ, DI je lutu'lu. vInuD. tIHmeyDaq mIv ngo' tu'lu'. mIvvam chIlpu' 'Iv? qatlh DaH tIHmeyDaq 'oHtaH? Heghpu'bogh qorvIt tu'lu' je. nuqDaq 'oH qorDu'Daj'e'? tIHmeyDaq paq tu'lu' je. Qop 'ej ngo'. qaStaHvIS poH 'ar pa' QottaH paqvetlh? <span></span></span></p><p style="margin:0px;font-stretch:normal;line-height:normal;color:rgb(0,0,0)"><span style="-webkit-font-kerning: none;"><span class="gmail-Apple-tab-span" style="font-family:"Helvetica Neue";white-space:pre"></span></span></p><p class="MsoNormal" style="margin:0cm 0cm 0.0001pt;font-family:Calibri,sans-serif;color:rgb(0,0,0);text-align:justify;line-height:32px"><span style="line-height:42.66667175292969px;font-family:"Times New Roman",serif">         jItlhe'. veng vIqel. veng botlhDaq chalqach'a' 'ar tu'lu'? jISIv. qach DojmeyvetlhDaq vum ghot 'ar? ramvam juHchaj cheghbe' 'Iv? ramvam jIchegh'a' jIH? jISovbe' 'e' vIchID. muja'laH San neH. DaH qabwIjDaq rewve' bIr, chal chuch ru'qu' vIjem 'e' vIqImnIS. qatlh? jIHvaD wa' Doch potlhqu' lutob Dochmeyvam ram: jIyIn.</span></p><p class="MsoNormal" style="margin:0cm 0cm 0.0001pt;color:rgb(0,0,0);text-align:justify;line-height:32px"><font face="Times New Roman, serif">-pItlh-</font></p></div></div></div>