<div dir="auto"><div dir="auto">melkor chIrghDaq..</div><div dir="auto"><br></div><div dir="auto">jaghpu'Daj 'oSmeH, raghghan chenmoHta' melkor maqlegh.</div><div dir="auto"><br></div><div dir="auto">ghIq jatlhchoH:</div><div dir="auto"><br></div><div dir="auto">vavwI'..</div><div dir="auto">jaghpu'wI' 'oSmeH raghghanvam, raghghanvam vIchenmoHta'; 'ej SoHvaD raghghanvam vImuchtaHvIS, jItlhob:</div><div dir="auto"><br></div><div dir="auto">raghghanvam Hotjaj qa'lIj tar;</div><div dir="auto">raghghanvam Hotjaj HoSlIj ngay'; </div><div dir="auto">raghghanvam Hotjaj 'IDnarlIj woQ;</div><div dir="auto"><br></div><div dir="auto">ghe'choHchu'jaj raghghanvam 'ej..</div><div dir="auto"><br></div><div dir="auto">jaghpu'wI' Hom mojjaj</div><div dir="auto">jaghpu'wI' Somraw mojjaj </div><div dir="auto">jaghpu'wI' 'Iw ngaSjaj </div><div dir="auto"><br></div><div dir="auto">'ej raghghanvam vIQaw'taHvIS, jaSHa'..</div><div dir="auto"><br></div><div dir="auto">jaghpu'wI' DaQaw'jaj </div><div dir="auto">jaghpu'wI' DaSangjaj </div><div dir="auto">jaghpu'wI' Dapeqjaj </div><div dir="auto"><br></div><div dir="auto">'ej not mevjaj raghghanvam 'oSmeH HoS..</div><div dir="auto"><br></div><div dir="auto">Say'qIS lumojpu'pa' HomDu'chaj, not mevjaj </div><div dir="auto">tIpqan lumojpu'pa' SomrawDu'chaj, not mevjaj </div><div dir="auto">mIn 'onroSmey mojpu'pa' 'Iwchaj, not mevjaj </div><div dir="auto"><br></div><div dir="auto">..mu'meyvam jatlhpu'DI' melkor maqlegh, chIrgh qoDDaq vIHchoH rewve' pep'en, 'ej melkor ghogh 'IjchoHlu':</div><div dir="auto"><br></div><div dir="auto">qaSjaj chaballIj.</div><div dir="auto"><br></div><div dir="auto">ghIq, raghghan 'uchtaHvIS maqlegh, ghe'choH raghghan, 'ej jemchoH maqlegh:</div><div dir="auto"><br></div><div dir="auto">choHchoH raghghan Hap..</div><div dir="auto"><br></div><div dir="auto">DIr mojchoH weSjechDaj</div><div dir="auto">Hom mojchoH baS qal'aqDaj </div><div dir="auto">porgh Hat mojchoH HatDaj</div><div dir="auto"><br></div><div dir="auto">'ej tagha', tlhuHchoH..</div><div dir="auto"><br></div><div dir="auto">~ qnqnqq</div></div>