<html><head><meta http-equiv="Content-Type" content="text/html; charset=utf-8"></head><body style="word-wrap: break-word; -webkit-nbsp-mode: space; line-break: after-white-space;" class=""><div class="">qorDu’ waDIch lut:</div><div class=""><br class=""></div><div class="">mIpchu’ta’ SuwISya’ngan. malja’ puS ghaj. ‘uy’mey DeQ ghaj. </div><div class="">ghIq *Peru’*ngan ‘IHqu' Saw. *Peru’* Dab loDnal be’nal je.</div><div class="">ghIq bogh puqbe’chaj. </div><div class="">ghIq SawHa’. tlheD. SuwISya’ Dabqa’.</div><div class="">ghIq Hegh SuwISya’ngan. </div><div class="">luj Hoch malja’meyDaj. </div><div class="">ghIq wa’ qach lughajpu’ be’nal, puqbe’, be’nal loDnI’, be’nal be’nI’ je. </div><div class="">ghIq lungev. </div><div class="">wa’ ‘uy’ vagh bIp DeQ Suq. mIpHa’choHlI’ qorDu’vam vumbe’mo’ Hoch.</div><div class="">puqbe’vaD wa’ bIp vagh netlh nob SoS. SuwISya’Daq Huchvam pol beylI’.</div><div class="">nenchoH puqbe’vam.</div><div class="">vumbe’ qorDu’vam. reH ghIQ. Dat leng.</div><div class=""><br class=""></div><div class="">qorDu’ cha’DIch lut:</div><div class=""><br class=""></div><div class="">tlhoghchuq cha’ ‘amerI'qa’ngan. ghIq bogh wej puqpu’chaj (cha’ puqloD, wa’ puqbe’ je). ghIq tlhoghHa’chuq. ghIq be’vam vISaw.</div><div class="">nenchoHDI’, vutwI’ moj puq cha’DIch. loD ghaH. mIpbe’ba’.</div><div class=""><br class=""></div><div class="">chen qorDu’ chu’. mIpbogh be’ ‘IH Saw be’nalwI’ puqloD. wa’maH wen bogh puqbe’chaj.</div><div class="">naypu’DI’ be’vam ngoD pegh ‘ang be’: maw’.</div><div class="">loDnalDaj HIv be’vam. tlheDDI’ loDnal, ghan’Iq rI’ be'vam. jatlh. <<muHIvpu’ loDnalwI’!>></div><div class="">tlheDchoHtaHvIS loD, SuS-yoDvo’ bIQ teqwI’ ghorchu’ be’vam. baS HoS ghorchu’. Doj. maw’bej.</div><div class=""><br class=""></div><div class="">nayHa’pu’DI’, reH ghIQ tIvlaHtaHmeH be’vam je’taH loDnalDaj ‘e’ pIHlaw’ be’vam. yap puq ghaq ‘e’ pIH.</div><div class=""><br class=""></div><div class="">Huch yajbe’ba’ be'vam. vutwI’ ghaH loDnalDaj. qo’ lengmeH Huch Hutlh loDnalDaj. yapbe’ba’ loDnal Huch.</div><div class=""><br class=""></div><div class="">vaj juHwIj Dabqa’ be’nalwI’ puqloD.</div><div class=""><br class=""></div><div class="">be’nalwI’ puqloD juH Dab be’nalDaj puqbe’Daj je.</div><div class=""><br class=""></div><div class="">‘echletHom SuD Hutlhmo’ be', tugh *Peru’* ghoSnIS.</div><div class=""><br class=""></div><div class="">yInwIj nap vItIv. naptaH latlh yInmey ‘e’ vImaS je, ‘ach rut jIwIvlaHbe’. ra’ San.</div><br class=""><div class="">
<div dir="auto" style="word-wrap: break-word; -webkit-nbsp-mode: space; line-break: after-white-space;" class=""><div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none;">charghwI’ vaghnerya’ngan<br class=""><br class="">rInpa’ bomnIS be’’a’ pI’.</div><div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none;" class=""><br class=""></div><br class="Apple-interchange-newline"></div><br class="Apple-interchange-newline">
</div>
<br class=""></body></html>