<html><head><meta http-equiv="Content-Type" content="text/html; charset=utf-8"></head><body style="word-wrap: break-word; -webkit-nbsp-mode: space; line-break: after-white-space;" class=""><div class="">ghop Hol vIghojlI’. DIS bID cha’DIch ghojmeH ghom vIjeS.</div><div class=""><br class=""></div><div class="">chaq Dumer ngoDvam: pImqu’ 'amerI’qa’ngan Hol jatlhlu'bogh amerI’qa’ngan ghop Hol je. ‘amerIqa’Daq QoylaHbe’wI’pu’vaD vIranSe’ngan ghop Hol lo’ DuSaQ wa’DIch. DuSaQDaq ghomDI’ QoylaHbe’bogh puqpu’, mu’ghom pab je choHmoH ‘amerIqa’ngan puqpu’. juH mu’mey chel. qaS poH. choH Hol.</div><div class=""><br class=""></div><div class="">qatlh vIranSe’ngan ghop Hol lo’?</div><div class=""><br class=""></div><div class="">‘amerIqa’Daq QoylaHbe’bogh puqpu’vaD chenDI’ DuSaQ wa'DIch, [England]Daq ghop Hol lo’Qo’ DuSaQ. wuSDu’ laDnIS ghojwI’pu’. roD wejmaH vatlhvI’ mu’mey luyajlaHlu’ wuSDu’ laDtaHvIS.</div><div class=""><br class=""></div><div class="">Qoy’eghlaHbe’taHvIS ghojwI’pu’, jatlhnIS. moghchu’bogh ghojwI’pu’ SaHbe’ ghojmoHwI’pu’. QIp QoylaHbe’wI’pu’ net Har. loQ yajlaHchugh, maj. qay’be’.</div><div class=""><br class=""></div><div class="">vIranSe’Daq QoylaHbe’bogh puqpu’vaD ghop Hol lo’ DuSaQ. vaj vIranSe’vo’ ‘ameriqa’Daq ghoS vIranSe’ngan ghop Hol.</div><div class=""><br class=""></div><div class="">rut choHbe’ mu'mey qubHa’. [P]vaD ghop “shape” lo’ mu’ {noj}. [L]vaD ghop “shape” lo’be’. [prêter] ‘oH vIranSe’ngan mu’’e'. [lend] ‘oH ‘amerI’qangan mu’’e’. [C]vaD ghop “shape” lo’ mu’ {nej}. vIranSe’ngan mu’ ‘oH [chercher]’e’.</div><div class=""><br class=""></div><div class="">wot [to be] Hutlh ghop Hol. rur tlhIngan Hol. {tlhIngan jIH} yajlaH ASL jatlhwI’, ‘ach {jIH tlhIngan} qoj {jIH tlhIngan jIH} jatlhlu’ je.</div><div class=""><br class=""></div><div class="">not jatlh ASL jatlhwI’ {jIghungmo’ Soj vInej.} qaq {Soj vInej. qatlh? jIghung.}</div><div class=""><br class=""></div><div class="">not jatlh ASL jatlhwI’ {jIlaD, ghIq jISop.} qaq {jIlaD. pItlh. jISop.}</div><div class=""><br class=""></div><div class="">Holvam vItIvqu’.</div><br class=""><div class="">
<div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; orphans: auto; text-align: start; text-indent: 0px; text-transform: none; white-space: normal; widows: auto; word-spacing: 0px; -webkit-text-size-adjust: auto; -webkit-text-stroke-width: 0px; text-decoration: none;">charghwI’ ‘utlh</div><div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; orphans: auto; text-align: start; text-indent: 0px; text-transform: none; white-space: normal; widows: auto; word-spacing: 0px; -webkit-text-size-adjust: auto; -webkit-text-stroke-width: 0px; text-decoration: none;" class=""><br class=""></div>SKI: charghwI’ talks about American Sign Language and how it differs from spoken English.</div>
<br class=""></body></html>