<html>
<head>
<meta http-equiv="Content-Type" content="text/html; charset=UTF-8">
</head>
<body text="#000000" bgcolor="#FFFFFF">
<div class="moz-cite-prefix">
<p>I'm not qualified to debate Christian theology, let alone do it
in Klingon, but I'll try to answer your questions. I don't
necessarily subscribe to Christian theology, but if you want to
understand Tolkien's big themes, you need to understand
Christian themes.<br>
</p>
</div>
<div class="moz-cite-prefix"><br>
</div>
<div class="moz-cite-prefix">On 12/3/2018 8:49 AM, mayqel qunenoS
wrote:<br>
</div>
<blockquote type="cite"
cite="mid:CAP7F2cK0yWx6gMHJGqiwtWU8YF8arcCSDkcRYnU6tjFZgGhkMw@mail.gmail.com">
<pre class="moz-quote-pre" wrap="">yIntaHvIS arda Humanpu', qorDu'mey chenmoH, puqpu' boghmoH.. 'a,
tagha', bangpu'chaj lonnIS.. Heghmo', bangpu'chajvo' tlheDnIS.</pre>
</blockquote>
<p>latlh qo'Daq ghomqa'be' chay' 'e' DaSov? vogh ghomqa' Heghpu'bogh
bangpu' 'e' luHarbej Arda DabwI'. Heghpu'DI' Beren, tlhejmeH
Lúthien, jubbe'choH.<br>
</p>
<p><br>
</p>
<blockquote type="cite"
cite="mid:CAP7F2cK0yWx6gMHJGqiwtWU8YF8arcCSDkcRYnU6tjFZgGhkMw@mail.gmail.com">
<pre class="moz-quote-pre" wrap="">'ej jIghel.. qatlh ? qatlh bangpu'chaj lonnIS ? illuvatar nobqoqmo' ?
'ej bangpu'chaj arda je lonpu'DI', nuqDaq lujaH ? Humanpu' ghoch
'otHa'ta''a' illuvatar ? ghobe' !
'ej qatlh Humanpu' ghoch 'otHa'Qo' Qunqoqvam ? yuDchu'mo'. valarpu'
neH SaH Qunqoqvam.</pre>
</blockquote>
<p>Elf juHna' 'oH Arda'e'. naDev QI'tu'chaj tu'lu'. latlh qo'Daq
Human QI'tu' tu'lu'. Heaven lupong Christian. SuchwI' chaH neH
Human'e'.<br>
</p>
<p>QIj Christopher Tolkien:</p>
<blockquote>
<p><i>boghwI' wa'DIch</i>, Elfpu'; <i>tlha'wI',</i> loDpu', je
chaH. Sanvam lughaj Elf: jub, qo' 'IH muSHa', qo' HachmoHmeH
laHmeychaj lo': yep 'ej pup, SIQtaHvIS qo' SIQtaH chaH, chaH
mejmoHbe' Heghqoqchaj: chegh chaH — 'ach pawDI' tlha'wI'pu',
ghojmoH Elfpu', Sach tlha'wI'pu' 'e' luchaw', QIt ngab Elfpu'
SachtaHvIS tlha'wI'pu' 'ej yIn poQbogh Hoch luSuqtaHvIS
tlha'wI'pu'. Sanvam, nobvam, lughaj Human: jubbe', tlhab, chaH
Sevbe' qo' HeHmey. ... jubbe'ghach wIch QIjlu'be': Qun poymar
'oH. meq Sov pagh. «pegh Humanpu'vaD San nabpu'bogh Qun». Elfpu'
SaQmoH jubbe'ghach 'ej lughal Elfpu'.<br>
</p>
</blockquote>
<p><br>
</p>
<blockquote type="cite"
cite="mid:CAP7F2cK0yWx6gMHJGqiwtWU8YF8arcCSDkcRYnU6tjFZgGhkMw@mail.gmail.com">pIH
nuv motlh ! reH, jubwI' ghal jubbe'wi'. reH ! not qaSbe'laH
wanI'vam.
</blockquote>
<p>teHbe'. reHHa' jubwI' ghal jubbe'wI'. jubbe'wI' ghalbej wa'bIp
ben jubwI'. Doy'moH yIn.<br>
</p>
<p><br>
</p>
<p>
</p>
<blockquote type="cite"
cite="mid:CAP7F2cK0yWx6gMHJGqiwtWU8YF8arcCSDkcRYnU6tjFZgGhkMw@mail.gmail.com">
<pre class="moz-quote-pre" wrap="">SuStel:
</pre>
<blockquote type="cite">
<pre class="moz-quote-pre" wrap="">Hoch Sov Ilúvatar
</pre>
</blockquote>
<pre class="moz-quote-pre" wrap="">HIja'; 'ach melkor chenmoHta', 'ej melkormo' bech qo' Hoch. 'a, qatlh
qo' SaHnIS qeQvam (illuvatar) ? jub vaj bechlaHbe'..</pre>
</blockquote>
<blockquote>
<p>ghIq jatlh Ilúvatar: «HoSghaj Ainur, 'ej Melkor HoSghaj law'
Hoch HoSghaj puS. 'ach ghaH Hoch Ainur je vIghuHmoH: Ilúvatar
jIH. ta'raj boleghlaHmeH, bommey'e' bobompu'bogh vIcha'. 'ej
Melkor, Hoch QoQ mung jIH 'e' Datlhoj; latlh QoQ Da'oghlaHbe'
'ej QoQ choHlaHbe' vay' jIneHbe'chugh. QoQ choH 'e' nIDchugh
vay', Dochmey Dunqu' vI'oghmeH vayvetlh vIlo', 'ej Dochmeyvam
jalbe'pu' vay'vetlh.</p>
</blockquote>
<p>Ilúvatar nab'a' wIyajlaHbe'. DorDI' Arda poH, chaq yaj Hoch.</p>
<p><br>
</p>
<blockquote type="cite"
cite="mid:CAP7F2cK0yWx6gMHJGqiwtWU8YF8arcCSDkcRYnU6tjFZgGhkMw@mail.gmail.com">
<pre class="moz-quote-pre" wrap="">SuStel:
</pre>
<blockquote type="cite">
<pre class="moz-quote-pre" wrap="">qo''e' chenmoHpu'bogh Ilúvatar pupmoH qaSbogh Hoch
</pre>
</blockquote>
<pre class="moz-quote-pre" wrap="">vaj, qo' lupupmoHta''a' 'oy' bep je ? qo' lupupmoHta''a' QIH lot je ?</pre>
</blockquote>
<p>HIja'. 'oy' bep je tu'lu'be' net jalchugh, bel tu'lu'be' je. QIH
lot je tu'lu'be' net jalchugh, Sub ngay' je tu'lu'be' je.</p>
<p><br>
</p>
<pre class="moz-signature" cols="72">--
SuStel
<a class="moz-txt-link-freetext" href="http://trimboli.name">http://trimboli.name</a></pre>
</body>
</html>