
<html><head><meta http-equiv="content-type" content="text/html; charset=utf-8"></head><body dir="auto"><div dir="ltr"></div><div dir="ltr">va, wejHa' bom mughta' vay' 'e' vI'ol 'e' vIlIjba'! ghuma'vaD najmoHwI' vIbommeH rut bomvam vIbom DIvI' Hol vIbomtaHvIS, 'ej qen “tlhIngan HolvaD vImughlaH” 'e' vISIvtaH. vImughta', ghIq wab ta ghIH vIqonta'. 'ach wejHa' mughta' vIsovbe'chu'.</div><div dir="ltr"><br></div><div dir="ltr">Do'Ha' HaSta taDaq Haghqu'mo' nuv law', mu' vIQoylaHchu'be'. 'ach Do', latlh wab ta vItu':</div><div dir="ltr"><br></div><div dir="ltr"><a href="https://klingonpopwarrior.bandcamp.com/track/harey-dungdaq-vogh-oh-over-the-rainbow">https://klingonpopwarrior.bandcamp.com/track/harey-dungdaq-vogh-oh-over-the-rainbow</a></div><div dir="ltr"><br></div><div dir="ltr">chu'law' wab tavam. mu' vurmoHlu'law'. loQ pImlaw' 'ej loQ raplaw' bom'e' mughtaHbogh qurgh, bom'e' vImughta'bogh je. Daj.</div><div dir="ltr"><br>On Nov 30, 2018, at 09:29, Ed Bailey <<a href="mailto:bellerophon.modeler@gmail.com">bellerophon.modeler@gmail.com</a>> wrote:<br><br></div><blockquote type="cite"><div dir="ltr"><div dir="ltr"><div dir="ltr">majQa'! mu' <Har'ey> 'angpa' marq 'oqranD, jenbomvaD bomvam mughta' qurgh.</div><div dir="ltr"><a href="https://www.youtube.com/watch?v=Ij2z0TbGe-w">https://www.youtube.com/watch?v=Ij2z0TbGe-w</a></div><div dir="ltr"><br></div><div>~mIp'av</div></div><br><div class="gmail_quote"><div dir="ltr">On Fri, Nov 30, 2018 at 10:10 AM Daniel Dadap <<a href="mailto:daniel@dadap.net">daniel@dadap.net</a>> wrote:<br></div><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><a href="https://soundcloud.com/user-649584902/vogh-hareymey-dungdaq" rel="noreferrer" target="_blank">https://soundcloud.com/user-649584902/vogh-hareymey-dungdaq</a><br>

<br>

vogh, vogh, Har'eymey DungDaq, jen, jenqu',<br>

pa' Sep'e' jInajtaHvIS muDelbogh vay' tu'lu'.<br>

vogh, vogh, Har'eymey DungDaq, SuD, SuD chal.<br>

'ej qaSlaH Hoch bojalbogh, boqaSmoHmeH pejal.<br>

<br>

'opleS Hovmey vItlhob 'ej jIvemDI' 'eng vIHopmoHpu' 'e' vItu'bej.<br>

pa' tettaH Sengmey; chuch lurur, qach beb DungDaq muD Quch vIpur, pa' vItu'lu', 'ej…<br>

<br>

vogh, vogh, Har'eymey DungDaq, puv bo'Degh.<br>

Har'ey DungDaq puv bo'Degh, qatlh pa' jIpuvlaHbe'?<br>

<br>

Har'ey HayDaq puvlaHchugh bo'DeghHom Quch'e' qatlh pa' jIpuvlaHbe’?<br>

<br>

- - - -<br>

<br>

Somewhere, somewhere, in the area above the rainbows, it is high, it is very high,<br>

There is a country that somebody described to me while I was dreaming.<br>

Somewhere, somewhere, in the area above the rainbows, it is blue, the sky is blue.<br>

And everything that you can imagine can happen, imagine in order to make it happen.<br>

<br>

Some days from now I will ask the stars and when I wake up I will certainly notice that I have made the clouds far away.<br>

There troubles are melting; they resemble ice, in the area above the building roofs I breathe happy air, one will find me there, and…<br>

<br>

Somewhere, somewhere, in the area above the rainbows, birds flight.<br>

Birds fly in the area above the rainbows, why can I not fly there?<br>

<br>

If happy birdlets fly in the area beyond the rainbow why can I not fly there?<br>

_______________________________________________<br>

tlhIngan-Hol mailing list<br>

<a href="mailto:tlhIngan-Hol@lists.kli.org" target="_blank">tlhIngan-Hol@lists.kli.org</a><br>

<a href="http://lists.kli.org/listinfo.cgi/tlhingan-hol-kli.org" rel="noreferrer" target="_blank">http://lists.kli.org/listinfo.cgi/tlhingan-hol-kli.org</a><br>

</blockquote></div>

</div></blockquote><blockquote type="cite"><div dir="ltr"><span>_______________________________________________</span><br><span>tlhIngan-Hol mailing list</span><br><span><a href="mailto:tlhIngan-Hol@lists.kli.org">tlhIngan-Hol@lists.kli.org</a></span><br><span><a href="http://lists.kli.org/listinfo.cgi/tlhingan-hol-kli.org">http://lists.kli.org/listinfo.cgi/tlhingan-hol-kli.org</a></span><br></div></blockquote></body></html>