<div dir="auto"><div dir="auto"><br></div><div dir="auto">QInvam vIghItlhchoHpa’, wa’ngoD vIQIjnISchu’; lord of the rings po’wI’ jIHbe’bej. lord of the rings muchmey neH vIbejta’, vaj po’wI’ jIHbe’ba’.</div><div dir="auto"><br></div><div dir="auto">maj..</div><div dir="auto"><br></div><div dir="auto">qen, instagram vInaw’taHvIS, haradrim cosplayer vIlegh; ‘ej joqwI’ ‘uch nuvvam. haradrim ‘oS joqwI’vam, vaj joqwI’vamDaq wa’ Degh tu’lu’. Deghvam vIparHa’qu’mo’, ‘Internet vInaw’choH ‘ej tugh De’ vIneHbogh vISam! haradrim Degh vISam!</div><div dir="auto"><br></div><div dir="auto">Deghchaj’e’, ghargh lulo’ haradrimpu’; tera’ mamba rur gharghvam, ‘ej Doq joqwI’chaj. ‘Iw rur.</div><div dir="auto"><br></div><div dir="auto">SIbI’ haradrim joqwI’ vIleghta’, jIQub: Dojbej Deghvam, ‘ej valqu’ haradrim joqwI’.</div><div dir="auto"><br></div><div dir="auto">vaj, DaH, chaq vIghellu’qang; qatlh val joqwI’vam ?</div><div dir="auto"><br></div><div dir="auto">‘a, jIjangpa’ Deghmey bopbogh mu’mey puS’e’ vIghItlhnIS..</div><div dir="auto"><br></div><div dir="auto">potlhqu’ Deghmey. tlhoy potlh bIH. tayqeq naQ DellaH wa’ Degh; qechmeyDaj, qangtlhInDaj, ghobDaj DellaH je.</div><div dir="auto"><br></div><div dir="auto">‘ej pIj, HarghtaHvIS tayqeqvam mangpu’, pIl’eghmoHmeH ‘ej taHlaHmeH, tayqeqchaj Degh luleghnIS..</div><div dir="auto"><br></div><div dir="auto">‘ach, wa’ DI’on potlhqu’ ghajnIS Deghvam ! napnIS.. napqu’nISbej. qatlh napqu’nIS ? wa meqmo’..</div><div dir="auto"><br></div><div dir="auto">HarghtaHvIS wa’ mang, Degh leghDI’, SIbI’ vInDa’pu’Daj qawnIS; SIbI’ pIl’eghnISmoH. ‘ach tlhoy Qatlhchugh Degh, vaj ngoQvam chavlaHbe’.</div><div dir="auto"><br></div><div dir="auto">vaj, DaH, haradrim Degh wIqelqa’jaj..</div><div dir="auto"><br></div><div dir="auto">wa’DIch: ‘IH. tera’ mamba rurbogh ghargh’e’..</div><div dir="auto">cha’DIch: nap. ghargh neH ‘oH..</div><div dir="auto">wejDIch: sauron lulajbogh nuvpu’’e’ chIwlaHbej..</div><div dir="auto"><br></div><div dir="auto">‘ej meqmeyvammo’, Dojqu’ haradrim Degh.</div><div dir="auto"><br></div><div dir="auto">~ channgan qIj</div><div dir="auto">mordor DungDaq ‘al mIn Degh</div><div dir="auto">wewqu’taH Hurghchu’ghach Qeb</div></div>