<div dir="auto">pIj, instagram vInaw'taHvIS, sith cosplay mIllogh vIlegh, sith cosplay vImuSHa'mo'..<div dir="auto"><br></div><div dir="auto">vaj, loDpu' be'pu' je vIlegh; sithpu' rurbogh loDpu''e' be'pu''e' je..</div><div dir="auto"><br></div><div dir="auto">'a Dojqu' wa' ngoD; pIj, instagram sith Doj law' star wars sith tutlh Doj puS ! pIj, instagram sith 'IH law' star wars sith tutlh 'IH puS.</div><div dir="auto"><br></div><div dir="auto">'ej nuv motlh chaH instagram nuv'e'.. tlhIH jIH je nururbogh nuvpu''e'.. vaj, instagram sith vIleghtaHvIS, motlh jISIv; motlh jIghel'egh: qatlh sithpu' lIl nuvpu' motlh ? qatlh, Segh jallu'bogh lulIlnIS ?</div><div dir="auto"><br></div><div dir="auto">'ej, ngugh vIt vItlhoj..</div><div dir="auto"><br></div><div dir="auto">sith vIlle' chaHba'; 'a ngoDvam 'oHbe' meqchaj'e' neH. latlh meq tu'lu' je, 'ej meqvam potlh law' Hoch potlh puS.</div><div dir="auto"><br></div><div dir="auto">qaStaHvIS yIn, mavumnIS.. ghogh'ot DIDIllaHmeH mavumnIS, 'ej qaStaHvIS Hoch jaj, pIj DalchoH yIn..</div><div dir="auto"><br></div><div dir="auto">vaj, DI'rujvam Dal lIjnISlu'; chaq qaStaHvIS rep puS neH, DI'rujvam Dal lIjlaH vay', 'a ngoQvam chavlaHchugh vay', vaj ghaHvaD potlhqu'.</div><div dir="auto"><br></div><div dir="auto">vaj, meqvammo' cosplay luqeq 'op nuv.. qaStaHvIS bel Qu'vam, nuv pIm lumojlaH, 'ej qaStaHvIS 'op poH, DI'ruj Dal luchoHlaH.</div><div dir="auto"><br></div><div dir="auto">~ Da'atlh</div><div dir="auto"><br></div></div>