
<html><body><style type="text/css">

<!--

div#d_1526388397316 p {font-family:; font-size:9.0pt; color:#000000}

-->

</style><div id='d_1526388397316' style="font-family:; font-size:9.0pt; color:#000000"><p dir="ltr" style="margin-top:0; margin-bottom:0;">'ay' cha'.</p>

<br>

<p dir="ltr" style="margin-top:0; margin-bottom:0;">1 *judea* *bethlehem*Daq bogh *jesus* che'taHvIS *herod* ta'. ngugh, boghDI' *jesus*, chanvo' *jerusalem* lupaw loD Hanqu' 2 'ej ghel, nuqDaq ghaH boghpu'bogh *jew*pu' ta''e' ? chanDaq HovDaj wIleghpu'mo' 'ej ta'vam wIquvmoHmeH naDev wIpawta'. 3 *herod*vaD mu'meyvam lujatlhqa'lu'DI' berghqu'choH *herod*, 'ej berghqu'choH je *jerusalem* rewbe'pu' Hoch. 4 vaj, veng *priest*pu' *scribe*pu' Hoch lIq *herod* 'ej ghel, nuqDaq bogh *jesus* ? 5 'ej jang *priest*pu' *scribe*pu' je, *judea* *bethlehem*Daq bogh; ghItlhta'mo' tuch rItwI': 6 'o *bethlehem*; *judah* tuq DaqDaq SoHtaHbogh *bethlehem*'e' ! *judah* che'wI' luqellu'taHvIS, bIQIvbe'bej. SoHDaq nargh nuvpu'wI' (*israel*) che'bogh wa' che'wI''e'. 7 ghIq, SIvchoH *herod*: ghorgh Hov leghchoHlaH vay' ? ngoDvam ghojmeH *herod*, loDpu' Hanqu' rIt. 'ej luSovmoH. 8 ghIq, *bethlehem*Daq lujaHmeH ra', 'ej chaHvaD jatlh: yItlheD 'ej puqvam yISam. boSamDI', puq vIquvmoHmeH HISovmoH. 9 ta' luQoyDI' tlheD. 'ej pelegh ! chaH tlhopDaq chalDaq 'oHtaH Hov'e'. ve'choHpa' loDpu'vam Hanqu', chanDaq Hovvam rap lulegh. puq DungDaq 'oHtaHDI' Hov'e', mev. 10 Hov luleghDI' QuchchoHchu'. 11 'ej juH lupawDI', puq SoSDaj -*mary*- je legh, tor 'ej puq luquvmoH. ghIq Dochmey'e' Qejqu'bogh poSmoH, 'ej puqvaD qol'om *frankincense* *myrrh* je nob. 12 'ej *herod* lucheghbe'meH chaH SovmoH Qun, najtaHvIS, vaj Sepchaj lucheghmeH tlheD 'a He pIm lulo'.</p>

<br>

<p dir="ltr" style="margin-top:0; margin-bottom:0;">13 tlheDDI', pelegh !, najtaHvIS *joseph*, ghaHDaq nargh joH'a' *angel*, 'ej jatlh: yIHu', puq SoSDaj je tItlhap 'ej maSIr bojaHmeH petlheD. qara'pa' maSIrvo' yIcheghQo'; tugh puq HoHmeH *herod*, puq nejchoH. 14 vaj, Hu' *joseph*, puq SoSDaj je tlhap, qaStaHvIS ram, 'ej maSIr lujaHmeH tlheD. 15 'ej pa' chaHtaH yIntaHvIS *herod*; Heghpa' *herod* cheghbe', vaj Qun mu'mey'e' jatlhbogh tuch rItwI' lutoblu'; jatlh Qun: maSIrvo' puqloDwI' vIrIt.</p>

<br>

<p dir="ltr" style="margin-top:0; margin-bottom:0;">16 *herod* lutoj loDpu' Hanqu'; 'e' tlhojDI' *herod*, QeHqu'choH. vaj mangpu' ngeH, 'ej *bethlehem*Daq yoSmeyDaj SumDaq je loD chaHbogh Hoch puqpu'e' peq. puqpu''e' HoHnISbogh *herod* ngu'meH, loDpu' Hanqu' yu'ta'; *jesus* qoS ghoj neH. vaj, cha'ben wa'ben wen puS je bogh puqpu''e' HoHbogh *herod*. 17 ngugh, *jeremiah* (tuch rItwI') mu'mey lutoblu'; jatlh *jeremiah*: 18 *ramah*Daq 'oy''a' ghogh 'Ijlu'; SaQqu'lu', bechqu'lu', bep'a' tu'lu'. puqpu'Daj Sanmo' SaQ *rachel*, 'ej *rachel* jotmoHlaH pagh, DaH yInbe'mo' puqpu'Daj.</p>

<br>

<p dir="ltr" style="margin-top:0; margin-bottom:0;">19 HeghDI' *herod*, pelegh!, maSIrDaq, najtaHvIS *joseph*, ghaHDaq nargh joH'a' *angel* 20 'ej jatlh: yIHu', puq SoSDaj je tItlhap 'ej *israel* Sep yIjaH, Heghpu'mo' puq yIn luneHbogh nuv'e'. 21 vaj, Hu', puq SoSDaj je tlhap 'ej *israel* Sep paw. 22 *judea* che' *archelaus*, *herod* puqloD. 'e' ghojDI' *joseph*, Sepvam 'elvIp. vaj najtaHvIS, *joseph* ra' Qun 'ej *galilee* jaHmeH tlheD. 23 *nazareth* veng paw, 'ej tuch rItwI'pu' mu'mey lutoblu'meH vengvam DabchoH; jatlh tuch rItwI'pu': ghaHvaD *nazarene* ponglu'.</p>

<br>

<p dir="ltr" style="margin-top:0; margin-bottom:0;">~ nI'ghma</p>

</div></body></html>