<html><body><style type="text/css">
<!--
div#d_1524580153839 p {font-family:; font-size:9.0pt; color:#1F497D}
-->
</style><div id='d_1524580153839' style="font-family:; font-size:9.0pt; color:#1F497D"><p dir="ltr" style="margin-top:0; margin-bottom:0;"> wa' latlh puj ghaj Dop Hurgh.. tlhoy DI'onmey Hurgh wuv joHpu' Hurgh. le'yo''a'chaj QeH'a'chaj ghIjmeH laHchaj je wuv *sith*pu', vaj roD HoSghajqu'choHlaH. 'a, HoSchoHmoHbogh DI'onmey rapmo', buSqu'laHbe' 'ej pIj yay teybe' luluj. DI'onmeychaj Hurghmo' tlhoy nguqchoH *sith*pu', vaj chaHvaD qay'qu'choH ghu'vam.</p>
<br>
<p dir="ltr" style="margin-top:0; margin-bottom:0;"> *darth maul* *darth vader* je SuvtaHvIS *obi-wan kenobi*, qaStaHvIS may' HochHom, luHeDmoHlaH *darth maul* *darth vader* je, 'a tagha' cha' joHvam Hurgh jeylaH *obi-wan kenobi*. jaSHa', *darth malak* jey *revan*; *star forge* vItlhqu'bogh HoS Hurgh lo'taH *malak*, 'a QaplaHbe'. *count dooku* buQ *anakin skywalker*; 'e' Har *dooku*. 'a le'yo''a'Dajmo', *skywalker* HoSna' tlhojlaHbe' *dooku*, vaj Hegh *dooku*.</p>
<br>
<p dir="ltr" style="margin-top:0; margin-bottom:0;"> vaj, pIQbogh 'ej vaQbogh wa' HoS Sar noblaHlaw' Dop Hurgh. 'a HoS Sar pIm nob Dop wov; HoS Sarvam'e', ralbe' 'ej buSmeH HoS yajmeH HoS je 'oH. HoS Sarvam luyajlaHbe'mo' Dop Hurgh lo'wI', luqelQo' 'ej ram 'e' luHar. vaj, tagha', meqvammo' Hegh.</p>
<br>
<p dir="ltr" style="margin-top:0; margin-bottom:0;"> 'a pujna' 'oHbe' pujvam'e'. ghItlhvaD ghItlhta'bogh *darth sidious*, QeH paq pongta' *sidious*. paqvamDaq, ghItlh *sidious*: SangmeH Dop Hurgh HoS vItlh lo'lu'chu'meH, 'ej nom ngoQvam chavlu'meH, tlhoy vaQ wa' Ho'DoS: QeH lo'. 'a lo'wI' yab mISmoHlaH QeH, vaj Dop Hurgh lo'laHchu'meH vay', QeH SeHnISlaH vay'. 'ej ngoQvam chavlaHmeH vay', cha' laH ghajnIS: yab HoSghaj yab valqu' je.</p>
<br>
<p dir="ltr" style="margin-top:0; margin-bottom:0;"> 'a, DaH, wa' ngoD potlhqu' wIghItlhnIS: tlhoy ral Dop Hurgh lo'wI'pu' qeqmeH Ho'DoSmey, 'ej DI'rujvam tobchu' *sith*pu'. vaj, *jedi*pu' SuvchoHpa' 'op Dop Hurgh lo'wI', Heghpu' Dop Hurgh lo'wI'pu'vam, pujmo', 'ej qeqmeH mIw luSIQlaHbe'. meqvammo', motlh Qapchu' *sith*pu': *jedi* qeqmeH mIw luSIQlaH pujbogh *jedi* law', 'ej ghIq *sith* HoSghaj SuvnIS *jedi*vam puj.</p>
<br>
<p dir="ltr" style="margin-top:0; margin-bottom:0;"> 'a, qaStaHvIS *sith*pu' *jedi*pu' je noHmey, *jedi*pu' yay law' law' *sith*pu' yay law' puS; wanI'vam pIHbe'lu', 'a qaSbej. 'ej wa' meqmo' qaS: qaStaHvIS noHmeyvam, *jedi*pu' SuvnISba' *sith*pu'.. 'a, tagha SuvchuqchoH *sith*, vaj luj..</p>
<br>
<p dir="ltr" style="margin-top:0; margin-bottom:0;">~ nI'ghma</p>
<br>
</div><div class="quoted_separate_body"/><div id="quoted_header" style="clear:both;"></div><br type='attribution'><div id="quoted_body"></div></body></html>