<div dir="auto"><div dir="auto" style="font-family:sans-serif">SuvtaHvIS wa' HoS'a' lo'wI', nom lo'wI'vam QaHlaH Dop Hurgh; 'e' chID *jedi* pIn'a' *yoda*; 'ej tlhoy QaH; 'e' chID je *yoda*. qaStaHvIS *ruul* tojchu'ghach, wej *jedi* 'omlaH *asajj ventress* (Qupbogh *jedi* Hurgh), wa' HoHlaH 'ej wa' latlhvaD Dop Hurgh lajmoHlaH. *republic* 'avwI'pu'vo' *nute gunray* toDlaHvIS *ventress*, velqa' mangpu' law'qu' HoHlaH *ventress*, *tranquility* Qaw'laH, 'ej *luminara unduli*vo' *ahsoka tano*vo' je narghlaH.<br></div><div dir="auto" style="font-family:sans-serif"><br></div><div dir="auto" style="font-family:sans-serif">Dop Hurgh rItta'mo' *darth sidious*, nom wej *jedi* quprIp vInDa' peqlaH, 'ej vInDa' loSDIch HoHmeH, *anakin skywalker* QaH SuqmeH *anakin* ponlaH. *darth vader* mojta'DI' *anakin*, qaStaHvIS *knightfall* Qu', 'ej qaStaHvIS vebbogh HoH'a' *jedi*, nIteb *jedi* law'qu' HoHlaH *anakin*.</div><div dir="auto" style="font-family:sans-serif"><br></div><div dir="auto" style="font-family:sans-serif">qaStaHvIS *darth vader* *luke skywalker* je may' Qav, *darth vader* jeymeH *luke skywalker*, Dop Hurgh HoS lo'. laHmeyDaj vItlhmoHmeH *skywalker*, QeHDaj lo'. ru'Ha'be' mIwvam wanI', 'ej qaStaHvIS poH ngaj neH, ghur *skywalker* HoS, 'a ngoQDaj chav *skywalker*. *darth caedus* mojta'DI' *jacen solo*, *luke skywalker* bamnIS. tlhoy po' *skywalker*, 'a *skywalker* SuvtaHvIS *caedus*, *skywalker* HoS vItlh 'omlaH, vaj jeylaHbe' *luke*.</div><div dir="auto" style="font-family:sans-serif"><br></div><div dir="auto" style="font-family:sans-serif">qaStaHvIS may', ghob lu'aghQo' Dop Hurgh lo'wI'; vaj, chaq meqvammo' tlhoy vaQchoHlaH. 'a, HoSchaj Dunqu' QIjlaHbogh latlh meq'e' tu'lu'.. 'ej Dop Hurgh 'oH meqvam'e'; Dop Hurgh HoSmo' tlhoy HoSghajchoHlaH *sith*, 'ej tlhoy qu'choHlaH.</div><div dir="auto" style="font-family:sans-serif"><br></div><div dir="auto" style="font-family:sans-serif">'a, wa' pujna' ghaj Dop Hurgh.. roD, SuvchuqchoH joH Hurgh. vaj, wanI'vammo', nIvchoHlaHlaw' *jedi*. not, jaghpu'chaj SanglaHchu' *sith*: HoSDaj ghurmoHmeH wa' jaw Hurgh, tagha' latlh jaw Hurgh SuvchoH, 'ej Hoch ghatlh, tagha' neHchoH. wanI'vam tu'choHlaHchu' vay', che'taHvIS pagh jaw Hurgh.</div><div dir="auto" style="font-family:sans-serif"><br></div><div dir="auto" style="font-family:sans-serif">tagha', *rule of two* chut cher *darth bane*; pujvam mevmeH *bane*, chutvam chenmoH. chutvammo', tlhoy nup *sith*pu' mI', 'a chutvam rapmo' HoSqu'choHlaH *sith*pu': pIn'a'Daj qa'meH wa' ghojwI', tlhoy HoSghajnISchoH.</div><div dir="auto" style="font-family:sans-serif"><br></div><div dir="auto" style="font-family:sans-serif">'a, cha' meqmo', qay'choHlaH *rule of two* chut; cha' DuH'e' qelbe'pu'bogh *darth bane*.. </div><div dir="auto" style="font-family:sans-serif"><br></div><div dir="auto" style="font-family:sans-serif">wa'DIch: wa' ghojwI' qeqmeH wa' *sith* joH, rut qaStaHvIS joHvam yIn HochHom, nIDnIS joHvam. 'a, rut, tagha' luj ghojwI'vam.. 'ej qaSchugh wanI'vam, latlh ghojwI' qeqlaHbe' *sith* joH: *darth zannah* qeqta' *darth bane*, 'a tagha' luj *zannah*. 'e' HarDI' *bane*, latlh ghojwI' qeqnIS.. vaj, ngoQvam chavmeH, latlh poH SuqnISmo', jubchoHmeH *bane* nIDchoH.</div><div dir="auto" style="font-family:sans-serif">'a mujchu' *bane*.. tugh, *bane* HoH *zannah*; 'a *rule of two* pujvam lutobchu' *zannah* lubopbogh wanI''e'.</div><div dir="auto" style="font-family:sans-serif"><br></div><div dir="auto" style="font-family:sans-serif">'a, latlh puj ghaj *rule of two*..  rut, Dop Hurgh lonchu' wa' *sith* jaw; 'ej latlh *sith* HoH jawvam. qaSchugh DuHvam, vaj taHlaHbe' *sith* 'obe'. 'ej, DuHvam qelbe' *bane*, *rule of two* chertaHvIS.. </div><div dir="auto" style="font-family:sans-serif"><br></div><div dir="auto" style="font-family:sans-serif">vaj, tagha', meqmeyvammo', *rule of two* bot *one sith*.</div><div dir="auto" style="font-family:sans-serif"><br></div><div dir="auto" style="font-family:sans-serif">~ nI'ghma</div></div>