<div dir="auto"><div dir="auto">Dop Hurgh HoS<br></div><div dir="auto"><br></div><div dir="auto">pIj, Sol *jedi*pu' HoS'a' Hurgh lo'wI'pu' je; 'ej Dop Hurgh HoS lungach. jatlh HoS'a' Hurgh lo'wI'pu': qa'maj DI'onmey Hurgh DIlajmo', mamIghmo', manaHmo', HoS wIchav, 'ej HoSvam nIv law' Dop wov HoS nIv puS.</div><div dir="auto"><br></div><div dir="auto">'a, Qoch *jedi*pu' latlh Dop wov lo'wI'pu' je, 'ej jatlh: HoS vItlh chavlu'meH qIgh 'oH Dop Hurgh'e'. 'a SIbI'Ha', bep QIH'a' je qaSmoH qIghvam.</div><div dir="auto"><br></div><div dir="auto">teH; Dop Hurgh lulajta'DI' 'op nuv, nom HoS'a' ra'choHlaH. *darth caedus* lurur nuvvam. QIH'a' luqaSmoHlaH, QIH'a''e' HarlaHbe'bogh vay' luqaSmoHlaH.. puyjaq'a' luqaSmoHlaH, HoS'a' *storms* luqaSmoHlaH. 'ej *katarr* QIHna' lururbogh wanI''e' qaSmoHlaH je. ta'meyvam luleghlu'taHvIS, ta'meyvam yajlaHbe' vay'.. vaj, SIvtaH: chay' ta'meyvam chavlaH vay' ? chay' HoSvam vItlh SeHlaH wa' ghot neH ?</div><div dir="auto"><br></div><div dir="auto">vaj, (meq *sith*pu'), Dop Hurgh lulo'qangbe'mo' 'op nuv, qoHpu' DoghwI'pu' je chaH nuvvam'e'. 'ej jatlh *sith*pu': wa' HoS'a' Dop le' lulajQo' 'op nuv, 'a Dopvam HoSghaj law' latlh Dop HoSghaj puS.</div><div dir="auto"><br></div><div dir="auto">Dop Hurgh HoS 'aghlu'taHvIS, HoSvam luleghlaH latlh; 'ej wa' ghantoH 'oH HoS'a' *storm*mey'e'. HoS rap lulInglaH *jedi*pu', 'a HoSvam lulo'taHvIS *jedi*pu', QIHna''e' luqaSmoHlaHbogh *sith*pu' luqaSqangbe'moH. HoSghajqu' *sith*pu', 'a HoSvam vItlh lughajmeH, tlhoy SIQnIS, 'ej rut bechnIS..</div><div dir="auto"><br></div><div dir="auto">laH Sar ghaj *sith*: HoS'a' *storm* lururbogh laH'e' ghaj; 'ej HoS'a' *drain* Sar lo'bogh *darth nihilus* tu'lu'. 'a laHmeyvam lo'laHmeH *sith*pu', Dop Hurgh lu'elnISchu'. wa' lumojnISchu' *sith*pu' Dop Hurgh je. 'a SIbI'Ha', qalchoH HoSmeyvam Hurgh lo'wI'pu' porgh.</div><div dir="auto"><br></div><div dir="auto">*darth sidious* ghaH wa' ghantoH'e'; qa'Daj porghDaj je natlhtaHmo' Dop Hurgh, qanchoHtaHvIS qalchoHtaH. *sidious* HoHta' *anakin skywalker*, 'a yInqa'laH *sidious*. yInchoHDI', HoSghajqu'mo' 'ej Dop Hurgh HoS 'Iq ghajmo', nom qalchoHchu' velqa' porghmey'e' Dabbogh *sidious*. *sidious* HoSna' luSIQlaHbe' velqa' porgh. vaj, wa' velqa'vo' latlh velqa'Daq nom qa'Daj QaynIS *sidious*.</div><div dir="auto"><br></div><div dir="auto">'a latlh ghantoH tu'lu', 'ej ghantoHvam Doj law' ghantoH vorgh Doj puS.. *darth nihilus* ghaH ghantoHvam'e'. ghurtaHvIS HoSDaj, *nihilus* natlhchu' Dop Hurgh, vaj porghDaj Sangchu' HoS'a' Hurgh, 'ej taHlaHmeH *nihilus* SIryoDDajDaq qa'Daj qatnIS.</div><div dir="auto"><br></div><div dir="auto">~ nI'ghma</div></div>