<div dir="auto"><div dir="auto">chay' much'egh Dop Hurgh ?</div><div dir="auto"><br></div><div dir="auto">much'eghtaHvIS Dop Hurgh, Sarbogh DI'on law' 'agh; vabDot, Dachchugh yIn much'eghlaH Dop Hurgh. 'ej taQ wanI'vam, HoS'a' Hal 'oHlaw'mo' yIn'e'..</div><div dir="auto"><br></div><div dir="auto">Daqmey le' tu'lu', 'ej DaqmeyvamDaq HoSghajqu' Dop Hurgh. DaqmeyvamvaD Dop Hurgh SIr'o' luponglu', 'ej meq law'mo' wanI' law'mo' je, Sep SarDaq nargh Dop Hurgh SIr'o'meyvam. HoSghajchu'mo' SIr'o'meyvam, Sumchugh 'op Doch, vaj DochmeyvamvaD HoS Hurgh lughajlaHmoH SIr'o'vam.</div><div dir="auto"><br></div><div dir="auto">*koribban*Daq, joHpu' Hurgh ngechDaq, qaStaHvIS poH 'Iq, SaHtaHmo' *sith*pu' qa'pu'chaj je, tagha' HoS'a' Hurgh SIr'o' moj Daqvam. ngechvamDaq mol law' tu'lu'; molmeyvamDaq tlhoy SaHmo' HoS Hurgh, tagha' vIqraqmey'e' ngaSbogh molmeyvam SIgh rIntaH HoS'a' Hurgh, vaj HoS Hurgh lutlhuDchoH vIqraqvam. 'ej ru'Ha' wanI'vam.</div><div dir="auto"><br></div><div dir="auto">'a latlh wanI'mey taQ tu'lu' je..</div><div dir="auto"><br></div><div dir="auto">molmeyvam qoDDaq, mutlh'eghlaH HoS'a' Hurgh, vaj tagha' HoS'a' Hurghvam leghlaH vay'. DaqmeyvamDaq, SaHchoHchugh lengwI', lengwI'vam tlhu'moH HoS'a'vam Hurgh'e' leghlaHbogh vay': HoS'a'vam HurghDaq yIHaH'egh ! tlhup molmey.. 'ej 'omlaHbe'chugh lengwI', vaj ghatlhchoH Dop Hurgh..</div><div dir="auto"><br></div><div dir="auto">latlh Dop Hurgh SIr'o'mey tu'lu' je:</div><div dir="auto"><br></div><div dir="auto">*vjun* yuQDaq, *midi-chlorian* luSeHlu'meH ngonglu'. 'a ngongmeyvammo', maw'qu'choH *vjun* roghvaH, vaj wIDchuq *vjun* ngan. qaStaHvIS 29 *bby* qaS HoH, 'ej wanI'vammo' luHajlu'bogh, tagha' Dop Hurgh SIr'o' moj *vjun* yuQ. qaStaHvIS tuch Hoch yuQvam ngejta' Dop Hurgh..</div><div dir="auto"><br></div><div dir="auto">HoS'a' Hurgh SIr'o' moj je *byss*, 'a pa' pIm meq: pa', SaHtaH *darth sidious* velqa' yoq, *alchemy* ngongmeyDaj je. vaj, Daqvam ngej je Dop Hurgh.</div><div dir="auto"><br></div><div dir="auto">*luke skywalker* qeqmeH *jedi* pIn'a' *yoda*, tlhu'nISmoH. vaj, *dagobah*Daq Dop Hurgh DIS lo' *yoda*, qItbogh tuchmey Hurgh mIlloghmey lInglaHmo' DISvam.</div><div dir="auto"><br></div><div dir="auto">pIj, nuvpu' Dochmey je DechlaH Dop Hurgh.</div><div dir="auto"><br></div><div dir="auto">HoSghajqu'mo' *sith* joH *sidious*, wa' DaqDaq SaHtaHvIS, pa' tlha' Dop Hurgh SIr'o'. 'ej rap *darth vader*. </div><div dir="auto"><br></div><div dir="auto">HoS'a' Hurgh lutlhuDtaH *sith* vIqraq je..</div><div dir="auto"><br></div><div dir="auto">~ nI'ghma</div></div>