<div dir="auto"><div dir="auto">mIwHom loS: Dop wovDaq chegh *jedi*, 'ej tob'eghmeH ta' QaQ tur.<br></div><div dir="auto"><br></div><div dir="auto">loQ, *jedi* qalmoHchugh Dop Hurgh, vaj Dop wovDaq cheghlaH *jedi*vam; 'e' Har *tolaris shim*. 'a -taH *shim*-, cheghmeH paQqu'nIS, 'ej *jedi* paQDI'norgh HaDqu'nISqa'. ghIq, tob'eghqa'meH ta' QaQ turnIS.</div><div dir="auto"><br></div><div dir="auto">'a, not ta'Daj mIgh lughmoHlaHchu' *dark jedi*, vaj -jatlh *shim*-, *jedi*vamvaD qaSlaH wa' ghu' neH: toD'eghlaH *jedi*vam. 'a toD'eghlaHmeH qaSnIS wanI' le': Sub ta' ta'nIS *jedi*vam, mutbe'bogh ta'.. 'ej ta'vam ta'taHvIS, Dop Hurgh lo'be'nIS.</div><div dir="auto"><br></div><div dir="auto">'ej ta'meyvam Sar ghantoHmey law' tu'lu', noybogh ghantoHmey..</div><div dir="auto"><br></div><div dir="auto">puqloDDaj toDmeH *darth vader*, *palpatine* voDleH HoHta'.. *exar kun* jeylu'meH boQ *ulic qel-droma*.. 'ej latlh ghantoHmey tu'lu'bej je. ghantoHmey vorgh rurbogh ghantoHmey: latlh yIn toDlu'chugh qoj ta'meyDaj qab lughmoHlu'meH vanglu'chugh, vaj toD'eghlaH vay'.</div><div dir="auto"><br></div><div dir="auto">'a, pIj, 'op *dark jedi* toDlaHbe' vay'. toDlaHbe' vay' 'e' lulajQo'mo' *dark jedi*vam. *jedi*pu'vam DelmeH *tolaris shim*, jatlh:</div><div dir="auto"><br></div><div dir="auto">HoSmeyDaj lon *jedi*; neHbe'chugh *jedi*, vaj *jedi*vam toDlaHbe' vay'.</div><div dir="auto"><br></div><div dir="auto">*shim* ngermey nuD *tionne solusar*. *anakin skywalker* *luke skywalker* *kyp durron* je lut nuD *tionne solusar*. qalchoHchu' *jedi*vam, 'a ghIq Dop Hurgh lulonta', vaj toD'eghlaw'ta'.. 'e' luHar lube'bogh latlh *jedi*pu'. 'a Qochbe''a' *shim* ? *anakin* lururbogh *jedi*'e' nuDta'chugh *shim*, yojDaj 'oH nuq'e' ? SIv *tionne solusar*.</div><div dir="auto"><br></div><div dir="auto">*holorecording* chenmoHta' *tolaris shim*; vaj *holorecording*vamDaq *jedi*pu' Deq lutmey lab *tionne solusar*, 'ej *holorecording* yoj (*shim* yoj) tlhob.</div><div dir="auto"><br></div><div dir="auto">'ej na' *tolaris shim* *holorecording* yoj: *jedi* SIghtaHvIS Dop Hurgh, chunwI'pu' HoHchugh *jedi*vam, vaj *jedi*vam toDlaHchu' pagh.</div><div dir="auto"><br></div><div dir="auto">~ nI'ghma</div></div>