<div dir="auto"><div dir="auto">Dunqu'bej Dop Hurgh HoS; meqvammo', Dop Hurgh SIr'o'Daq Sumchugh nuv, vaj SIbI' nuvvam qalmoHlaH Dop Hurgh.</div><div dir="auto"><br></div><div dir="auto">HoS'a' jemlaHbe'chu' *tobin of onderon* 'ech. 'a SaHtaHvIS *darth nihilus*, 'ej HoS'a' Hurgh tlhuDtaHmo' *darth nihilus*, maw'choH *tobin* 'ej choH *tobin* DI'onmey: Dop Hurgh lo'taHwI' rurchoH *tobin*.</div><div dir="auto"><br></div><div dir="auto">DaH, wa' ngoD potlh wIDel: porgh Qaw'laH Dop Hurgh. 'a porgh taHmoHlaH Dop Hurgh. wanI'vam qaSmoHlaH je Dop Hurgh.</div><div dir="auto"><br></div><div dir="auto">HoSmey Sar, HoSmey law', ghaj Dop Hurgh: HoSmey mIgh, HoSmey nong, HoSmey qu' je bIH HoSmeyvam'e'. HoSghajqu'mo' HoSmeyvam, Hegh lubotlaH. naQchoHchugh yIn poH, 'ej IIb Hegh, Dop Hurghmo' taHlaH vay'. vaj, qaStaHvIS vatlh law' DIS, taHlaH nuv motlh..</div><div dir="auto"><br></div><div dir="auto">qaStaHvIS wejvatlhHey DIS, yInlaH *korriban* ta' *adas*.</div><div dir="auto"><br></div><div dir="auto">qaStaHvIS *sith* noH'a' *jedi civil war* je, bechqu' *darth sion*; 'ej bechqu'mo' *sion*, yItbogh lom rur *sion*. wa'logh, *sion* nuD *republic* yaS Qel, 'ej ja' Qelvam: *sion* porghDaq Dat Qargh law'qu' tu'lu', Dat taqqu' porghDaj, 'ej qal'aqDaj SaD law' DaqDaq HomDaj lughorlu'pu'. </div><div dir="auto"><br></div><div dir="auto">vaj, chay' taHlaH *darth sion* ? wanI'vam taQ QIjmeH *darth traya*, jatlh: taHmeH *darth sion*, 'ej jubchoHmeH *sion*, Dop Hurgh rIt joHvam Hurgh. muSmeH HoSmo' taHlaH *darth sion*.</div><div dir="auto"><br></div><div dir="auto">'ej *darth vader* tu'lu' je..</div><div dir="auto"><br></div><div dir="auto">*darth vader* porghvo' 'uSDu'Daj lupe'lu'. ghIq yIntaHvIS *vader* 'ej meQtaHvIS *vader*, taghDu'Daj meQ *mustafar* qulmey. *vader*vaD lIb Hegh; 'a munmo' pIn'a'Daj (darth sidious), tagha' taHlaH *vader*. vormeH laHmey Hurgh ghaj *sidious*, 'ej laHmeyvammo' yInlaH *vader*.</div><div dir="auto"><br></div><div dir="auto">'a choH *vader* 'ej qoq rur. 'ej naQchoHDI' choHDaj, QapmeH Dop Hurgh wuvtaH.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 21, 2017 6:02 PM, "mayqel qunenoS" <<a href="mailto:mihkoun@gmail.com">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">qab porgh je DI'onmey SIghlaH Dop Hurgh; 'a qaStaHvIS poH nI'qu', Dop Hurgh lo'lu'chugh, vaj porgh laHmey SIgh je Dop Hurgh. 'ej porghvam qalmoH Dop Hurgh..</div><div dir="auto"><br></div><div dir="auto">'ej ghantoH law' tu'lu':</div><div dir="auto"><br></div><div dir="auto">qaStaHvIS yInDaj HochHom, *sith* 'IDnar pIn'a' ghaH *king ommin of onderon*'e'. Dop Hurgh lo'taHvIS *king ommin*, SIghtaH HoS'a' Hurgh, 'ej tagha' Dop Hurghmo' vIHlaHbe'. vaj, taHmeH qal'aq pargh qoDDaq lan'eghnIS.</div><div dir="auto"><br></div><div dir="auto">qabbej *king ommin* choH; 'a *darth nihilus* choH qab law' *king ommin* choH qab puS..</div><div dir="auto"><br></div><div dir="auto">'ej *darth nihilus* choH qab law' Hoch choH qab puS.. *darth nihilus* natlhchu' Dop Hurgh; qabDaj natlh 'ej porghDaj natlh je. vaj, tagha' taQwI' moj, 'ej wa' ngoQ neH chavmeH taH *darth nihilus*: yIn natlhmeH taH..</div><div dir="auto"><br></div><div dir="auto">porgh SIghlaH Dop Hurgh; 'a yab SIghlaH je. 'ej pIj, yab choH Sagh law' porgh choH Sagh puS:</div><div dir="auto"><br></div><div dir="auto">pIj, Dop Hurghmo', latlhpu' voqlaHbe' *sith*, 'ej nom QeHchoH. *darth vader* mojDI' *anakin skywalker*, Dat QuS legh; *darth vader* luHoHmeH QuS be'nalDaj *obi-wan kenobi* je 'e' Har *darth vader*. 'ej tagha', QeHchoHchu'mo' 'ej pIHchoHchu'mo', be'nalDaj voQmeH HoS'a' Hurgh lo'.</div><div dir="auto"><br></div><div dir="auto">pIj, jaS choH latlh *sith*pu'. Dop Hurgh lulo'taHchugh 'op *sith*, tagha' maw'choHchu'. 'ej ghantoH law' tu'lu': *dark jedi boc aseca*, *alema rar*, *joruus c'baoth*.. 'a nuvpu'vam boptaHvIS mu'meymaj, wa' ngoD potlh wIqawnIS:</div><div dir="auto"><br></div><div dir="auto">nuvpu'vam choHchoHpa' Dop Hurgh, yab rIQ lughaj nuvvam. choHmey mIgh qaSmoHbe' HoS'a' Hurgh; nuvpu'vamDaq DI'onmey mIgh tu'lu'bogh, 'arghmoH neH Dop Hurgh.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 19, 2017 18:11, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">SIbI' HoS'a' Hurgh lo'wI' qab porgh je SIghbe' Dop Hurgh; 'a Dop Hurgh lo'lu'taHchugh, vaj choHchoH porghDaj DI'onmey, 'ej tlhetlhtaHvIS poH, Sab ghu'vam.</div><div dir="auto"><br></div><div dir="auto">Dop Hurgh luSIQ *darth tyranus* *galen marek* je porghmey, 'a Sabbe' porghmeychaj DI'onmey. 'a QeHchoHtaHvIS joHpu'vam Hurgh, *yellow*choH lurDu'chaj. choHvam neH luSIQ.</div><div dir="auto"><br></div><div dir="auto">lo'wI' porghvaD, pIj pagh wanI' qaSmoH Dop Hurgh: *darth vader* mevmoHmeH *luke skywalker*, QeHqu'choH. 'a choHbe' *luke skywalker* porgh. *kyle katarn*vaD jaSHa' qaS; *jerec* *desann* je SuvtaHvIS *kyle katarn*, pIlmoH Dop Hurgh. 'ej not choH porghDaj.</div><div dir="auto"><br></div><div dir="auto">'a, qaStaHvIS *dathomir* may', wa' *nightsister* HoHmeH *teneniel jo*, Dop Hurgh rIt; 'ej SIbI', qabDajDaq ghor wa' 'aD. vaj *nightsister* DI'on Suq..</div><div dir="auto"><br></div><div dir="auto">Dop Hurgh lulaj ghot law'; 'a Dop Hurghmo', wanI'mey pIm SIQ ghotpu' pIm:</div><div dir="auto"><br></div><div dir="auto">lurDu' rItlh choH neH SIQ *darth malak*, 'ej loQ chISchoH DIrDaj. 'a pagh latlh choHmey SIQ. qaStaHvIS wa' DIS, Dop Hurgh lo' *darth caedus*, 'ej ghaHvaD qaS wa' choH neH: choH mInDu'Daj rItlh. qaS pagh latlh wanI'.</div><div dir="auto"><br></div><div dir="auto">'a, *darth sidious* rurlu'chu'chugh, 'ej wa'na' lumoj Dop Hurgh ghaH je, vaj choHchu' qabDaj porghDaj je.</div><div dir="auto"><br></div><div dir="auto">'a, DaH, wa' Doch potlh wItu'nIS: SuvtaHvIS *darth sidious* *mace windu* je -qaStaHvIS wanI'vam neH- qaS *sidious* qab porgh je choHmey potlhqu'. *sidious* *force lightning* way'meH *windu*, yanDaj lo'. ghIq, tonSaw'vammo', qaS HoS'e' SeHlaHbe'bogh vay', 'ej *sidious* porgh DI'onmey choH HoSvam.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 18, 2017 4:38 PM, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">meqmey le' ghaj Dop Hurgh lulajchu'bogh Hoch'e'; 'a wa' meq potlh law' Hoch potlh puS. ghu'mey Qatlh qaDmey Qatlh je bampu' Dop Hurgh Hoch lo'wI'pu', 'ej ghu'meyvam qaDmeyvam bamtaHvIS Dop Hurgh lo'wI'pu', chaH QaHQo' Dop wov. vaj Dop Hurgh lulajchu'. yInmeymo' ghu'meymo' je SIQpu'bogh, choH chaH 'ej tagha' Dop Hurgh lo'wI'pu' moj chaH.</div><div dir="auto"><br></div><div dir="auto">peQnagh rur Dop Hurgh. yab SIgh, 'a Dop Hurgh lo'wI' porgh SIghlaH je. 'ej HoS'a' Dop Hurgh lo'lu'taHchugh, vaj Dop Hurghmo' choH porghDaj, 'ej SabchoH.</div><div dir="auto"><br></div><div dir="auto">pIj, choH Dop Hurgh lo'wI'pu' lur rItlh, 'ej *yellow* moj; no'negh rur. DIr'e' *pale*choH, 'ej paw'aDmey leghlaH vay'. chISchoHmo' jIb, nom qanchoHlaw' Dop Hurgh lo'wI'. 'ej choH je ghogh; 'eSchoH wabDaj 'ej mIghchoH.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 15, 2017 5:07 PM, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">mIgh Dop Hurgh; 'e' luHar 'op *sith*. 'a qaStaHvIS qun poHmey Qatlh, 'ut Dop Hurgh; 'e' luHar je. *sith*vam rur *darth caedus* *darth revan* je.<br></div><div dir="auto"><br></div><div dir="auto">HoS'a' Hoch Sang *darth traya*; neH ghaH. 'ej ngoQvam chavmeH Dop Hurgh lajchu'. HoS'a' naQ yajlu'chu'meH HoS'a' Dopmey Hoch lajnISlu'chu'. 'e' Har *darth traya*.</div><div dir="auto"><br></div><div dir="auto">'ej latlhpu' tu'lu'.. *aurra sing* lurur nuvvam. *jedi* Suv *aurra sing*; neH ghaH, 'ej meqvammo', Dop Hurgh lulaj *aurra sing* lururbogh *sith* je.</div><div dir="auto"><br></div><div dir="auto">HoS'a' luqIHtaHvIS latlhpu' law', chaHvaD wa'DIch Dop Hurgh lIHlu'; vaj not nuvpu'vam SIgh Dop Hurgh. chaHvaD Dop Hurgh laj qaSmoHlu'. *darth talon*, *darth bane*, latlhpu' je chaH nuvvam'e'.</div><div dir="auto"><br></div><div dir="auto">latlhpu'vaD qaSDI' Qugh'a', nuvpu'vam rIt Dop Hurgh: HeghDI' *anakin skywalker* bang, Dop Hurgh lajchu' ghaH.</div><div dir="auto"><br></div><div dir="auto">'ej SottaHvIS latlhpu', boqwI'pu' moj Dop Hurgh nuvpu'vam je. ghantoH chaH *exar kun*'e' *darth krayt*'e' je.</div><div dir="auto"><br></div><div dir="auto">latlhpu' rItmeH Dop Hurgh, wa' latlh mIw 'oH mIw veb'e': SumDI' HoS'a' Hurgh HoSHal, vaj Sumbogh nuvpu' rIt Dop Hurgh. Dop Hurgh HoSHal noy bIH *malachor* vagh'e', *korriban* joHpu' Hurgh ngech'e' je.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 14, 2017 4:59 PM, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">chay' Dop Hurgh lajchoHlu' ? Sov pagh 'ej pagh tamey tu'lu'. 'a bej wa' Doch; Dop Hurgh lulajchu' 'op nuv, 'ej lajta'ghachvamvaD enlightenment lupong *sith*.<br></div><div dir="auto"><br></div><div dir="auto">peQnagh'a' rurchu' Dop Hurgh 'ej tlhoS Dop Hurgh temlaHbe'chu' vay'. Dop Hurgh rItDI' HoS'a' jemlaHwI', ghaHvaD HoS vItlh qemmo' Dop Hurgh, Dop Hurgh wuvchoH rItwI', 'ej Dop Hurgh rItqa'DI' ghIq Dop Hurgh wuvqu'choH. 'ej vay' SIghlaHchu'mo' Dop Hurgh, nom vay'vam qalqu'moHlaH. ghIq vay'vam SeHlaHchu' Dop Hurgh.</div><div dir="auto"><br></div><div dir="auto">HoS vItlh Suqlu'meH, qIgh 'oH Dop Hurgh'e'. 'ej HoS SuqmeH mIw'e', qIghvam Qob law' Hoch Qob puS. 'e' luHar *jedi*. 'a latlh meq law'mo', HoS'a' Hurgh lulajchu' Dop Hurgh lo'wI'..</div><div dir="auto"><br></div><div dir="auto">Doch puS neH nobqang Dop wov, 'a Doch law'qu' nobqang Dop Hurgh. 'e' luHar Dop Hurgh lo'wI'. HoSna' nobtaHQo'vIS Dop wov, HoSna'vam nobqangbej Dop Hurgh. 'e' luHarmo' *dark jedi* law', qaStaHvIS jedi order schisms, latlh *jedi* pum *dark jedi* 'ej chaHvaD jatlh: HoS'a' DI'onmeyna', HoS'a' DI'onmey Hurgh, bolajqangbe'mo', qoH tlhIH !</div><div dir="auto"><br></div><div dir="auto">Sovmo' Dop Hurgh lulaj latlh; *anakin skywalker* 'oH ghantoH'e'. be'nalDaj puqpu'Daj je toD; neH ghaH. 'ej ngoQvam chavmeH, Sov Suq neHmo', tagha' Dop Hurgh lajchu'.<br></div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 12, 2017 17:57, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">Hurghlaw'bogh HoS'a' Dop tu'be'lu'; 'e' luHar 'op nuv. ngoQmey Hurgh neH tu'lu'; 'e' luHar je nuvvam. 'ej qangtlhInvam lughaj, cha' meqmo':</div><div dir="auto"><br></div><div dir="auto">wa'DIch: HoS'a' Hurgh lulajta'pa' HoS'a' Hurgh lo'wI'pu', DI'onmey mIgh ghaj qa'chaj.</div><div dir="auto"><br></div><div dir="auto">cha'DIch: 'op nuv tlhu'moHmo' woQ patlhmey je, tagha' toy'wI''a'pu' moj. vaj pIch ghajbe' Hurghlaw'bogh HoS'a' Dop.</div><div dir="auto"><br></div><div dir="auto">'a Qochchu' *jedi* pIn'a' *yoda*; 'ej Qochchu' je *sith* joH *darth plagueis*.</div><div dir="auto"><br></div><div dir="auto">jatlh *darth plagueis*: pImchu' Dop wov Dop Hurgh je, 'ej pImchu' je Hoch Dop lo'meH mIw.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 8, 2017 18:05, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">ngoQmey mut neH chavmeH vay', HoS'a' Dop Hurgh lo'laH vay'; 'e' luHar HochHom. meqvammo', motlh HoS'a' Dop Hurgh lo'wI'pu' pum nuv law', 'ej chaHvaD mutwI' lupong. 'a, Hub'eghmeH HoS'a' Dop Hurgh lo'wI'pu', jatlh: HoS'a' Dop Hurgh 'oH wa' mIw'e' neH, 'ej ngoQmeymaj DIchavmeH HoS'a'vam Hurgh wI'lo'.<br></div><div dir="auto"><br></div><div dir="auto">wa' ghantoH noy ghaH *anakin skywalker*'e'; leSSov SIQtaHvIS, be'nalDaj Hegh legh. vaj, be'nalDaj toDmeH, HoS'a' Dop Hurgh lajchu'. 'ej meqvammo', *jedi* 'obe' lon.</div><div dir="auto"><br></div><div dir="auto">nuv law'vaD peQ'a' Da HoS'a' Dop Hurgh. 'ej HoS'a' Dop Hurgh lulo'taHchugh, HoS'a' Hurghvo' narghlaHbe'. HoSghaj HoS'a' Hurgh lo'wI'pu'; 'ej raghtaHvIS porghmeychaj, HoSghajqu'choH.</div><div dir="auto"><br></div><div dir="auto">yIn HoS'a' Dop Hurgh; motlh 'e' luHar nuvpu', HoS'a' Dop Hurgh luDIghtaHvIS. 'ej ngoQmeyDaj le' ghaj HoS'a' Dop Hurgh; motlh 'e' luHar je nuvpu'.</div><div dir="auto"><br></div><div dir="auto">'ej HoS'a' Dop wov luDIghtaHvIS, ngoDmey rap Har nuvpu'.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 6, 2017 19:04, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">qaSpa' qIb poH 24500 *bby*, pagh buQqu' HoS'a' Dop Hurgh. 24500 *bby*, qaS *jedi* 'obe' yol'a' wa'DIch, 'a HoS'a' Dop Hurgh lo'wI'pu' jey *jedi* 'obe' nuvpu'; vabDot *lettow xandor* Sa' lujey *jedi* 'obe' nuv.<br></div><div dir="auto"><br></div><div dir="auto">*xandor* HarwI'pu'vaD, *legions of lettow* ponglu'; paQQo' nuvpu'vam, 'ej jotQo'. vIq neH luSaHqang, 'ej may' neH lubuS. tugh, nuvpu'vam paQDI'norgh lajchoH *jedi'* 'obe' nuv law', 'ej HoS'a' Dop Hurgh lulajchu'. vaj, 7000 *bby*, tagh wa'vatlh DIS HurghtaHghach.</div><div dir="auto"><br></div><div dir="auto">tagha', *dark jedi* lujeylu', 'ej lughImlu'; 'a wa' ghu' le' qaSmoH wa'vatlh DIS Hurghchu'ghachvam, 'ej ghu'vam le'mo' bogh HoS'a' Dop Hurgh 'obe'. taHlaHtaH 'obe'vam Hurgh, 'ej *sith* nubwI'pu' moj ghImwI'pu'.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 5, 2017 17:30, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">lupu'DI' infinite empire, 'ej qaSpu' poH nI'qu', qaSchoH qIb poH 25000 *bby*. ngugh, qIbDaq qum chu' cherchoHlu' 'ej qumvamvaD galactic republic ponglu'.<br></div><div dir="auto"><br></div><div dir="auto">'a qaSpa' poHvam, yuQ *tython*Daq ghomchuq tejpu', SuvwI'pu, lalDanmey 'oSwI'pu', meHghem nuvpu' je; wa' meqmo' ghomchuq: qIb HochDaq HoS motlhbe' tu'lu', vaj HoSvam lunuDmeH 'ej luja'chuqmeH ghomchuq.</div><div dir="auto"><br></div><div dir="auto">ja'chuqchoH, 'ej HoS motlhbe' lunuDchoH.. 'ej tugh *ashla* lutu'; qaStaHvIS DISmey veb, noychoH *ashla*, 'ej HoS'a' Dop wov luDelmeH nuv, *ashla* pong lulo'.</div><div dir="auto"><br></div><div dir="auto">'a, yuQvetlhDaq -tython-, HoS latlh Sar lutu'.. *bogan*; HoS'a' Dop Hurgh 'oH *bogan*'e', 'ej tugh lo'Daj luneHchoH tu'wI'Daj.</div><div dir="auto"><br></div><div dir="auto">tugh, *python*Daq cha' ghom lutu'choHlu': *ashla* lo'qangbogh ghom 'oH ghom wa''e', 'ej *bogan* lo'qangbogh ghom 'oH latlh ghom'e'.</div><div dir="auto"><br></div><div dir="auto">tagha', SuvchoH cha' ghomvam, vaj tagh noH. qaStaHvIS wa'maH DIS qaStaH noHvam, 'ej noHvamvaD *tython* HoS'a' noH ponglu'.</div><div dir="auto"><br></div><div dir="auto">mevDI' noH, *jedi* 'obe' lucher *ashla* lo'wI', 'ej ngablaw' *bogan* lo'wI'pu'.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 4, 2017 5:35 PM, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="m_2122179558270840011m_4902071707319325964m_-4891986455589973280m_5383837155805434982m_6098872345638342725m_-5799617630000902228m_5486899760301032233m_-1598307124998354907m_3411984929588732820quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">wa' HoS'a' Sar 'oH Dop Hurgh'e', 'ej latlh qo' HoS 'oH HoS'a''e'; nItebHa' qIb 'ay' Sar mutlh HoS'a'.<br></div><div dir="auto"><br></div><div dir="auto">HoS'a' Dop Hurgh lulo' Segh Sar, 'ej *rakatans* tIQ chaH HoS'a' Dop Hurgh SeHlaHbogh Segh wa'DIch'e'. qaStaHvIS 30000 *bby*, qIb HochHom luchargh *rakatans* tIQ.</div><div dir="auto"><br></div><div dir="auto">HoS'a' Dop Hurgh luSeHlaHmo' novwI'vam, cham chav'a'mey chavlaH: hyperdrive.. starforge.. chav'a'meyvam chavta', 'ej Dojqu' Serchaj.</div><div dir="auto"><br></div><div dir="auto">'a, tagha' HoS'a' Dop Hurghvo' *rakatans* chevlu', vaj ghang *rakatan* wo'.</div><div dir="auto"><br></div><div dir="auto">~ nI'ghma</div></div><div class="m_2122179558270840011m_4902071707319325964m_-4891986455589973280m_5383837155805434982m_6098872345638342725m_-5799617630000902228m_5486899760301032233m_-1598307124998354907m_3411984929588732820elided-text"><div class="gmail_extra"><br><div class="gmail_quote">On Dec 2, 2017 16:37, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto"><div dir="auto">cha' Sar ghaj HoS'a', 'ej wa' Sar 'oH Sar Hurgh'e'. HoS'a' lujemlaH 'op nuv, vaj nuvpu'vamvaD HoS'a' jemlaHwI' ponglu'. 'ej HoS'a' Dop HurghvaD *bogan* *boga* joq lupong HoS'a' jemlaHwI' tIQ.<br></div><div dir="auto"><br></div><div dir="auto">cha' Sar chaH HoS'a' Hurgh lo'wI''e':</div><div dir="auto"><br></div><div dir="auto">*sith" Sar noy law' Hoch noy puS. 'a latlh Sar tu'lu'.. HoS'a' Hurgh DIvI' lumuvQo' 'op nuv; vaj, nuvpu'vamvaD *darksiders* *dark jedi* joq ponglu'.</div><div dir="auto"><br></div><div dir="auto">HoS'a' Dop wov lulo' *jedi*; 'ej meqvammo', jedi rurbe'chu' *sith* *dark jedi* je. HoSghajchoHchu'meH *sith* *dark jedi* je, chIch qa' DI'onmey Hurgh lo': QeHchu'mo', naHchu'mo', mIghchu'mo', HoSghajchoHlaH. HoSna'chaj 'oH nongchu'ghachchaj'e'.</div><div dir="auto"><br></div><div dir="auto">~ nI'ghma</div></div><div class="gmail_extra"><br><div class="gmail_quote">On Dec 1, 2017 15:06, "mayqel qunenoS" <<a href="mailto:mihkoun@gmail.com" target="_blank">mihkoun@gmail.com</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex"><div dir="auto">qaStaHvIS poH 'Iq, tlhIngan Hol vIqeqbe', 'a DaH choH ghu'vam !<div dir="auto"><br></div><div dir="auto">vaj, QIn mIrvam vItaghmoH, 'ej qaStaHvIS mIrvam, HoS'a' Dop Hurgh lubop mu'wIj.</div><div dir="auto"><br></div><div dir="auto">maj.. DaH jIbelchoH. vaj, tugh QIn mIrvam vItaHmoH..</div><div dir="auto"><br></div><div dir="auto">~ nI'ghma</div></div>
</blockquote></div></div>
</blockquote></div></div>
</div></blockquote></div><br></div>
</blockquote></div></div>
</blockquote></div></div>
</blockquote></div></div>
</blockquote></div></div>
</blockquote></div></div>
</blockquote></div></div>
</blockquote></div></div>
</blockquote></div></div>
</blockquote></div></div>