<div dir="auto">pIj jIQub..<div dir="auto"><br></div><div dir="auto">cha' ben, naDev vIpawta'; 'ej naDev vIpawDI', wa' Doch vIpIH: tlhIngan Hol vIghoj.</div><div dir="auto"><br></div><div dir="auto">maj..</div><div dir="auto"><br></div><div dir="auto">qaStaHvIS cha' DIS, bIvumtaH 'ej tagha' tlhIngan Hol vIlo'laH.</div><div dir="auto"><br></div><div dir="auto">'a qaStaHvIS cha' DISvam, naDev lupaw Saghbogh pagh taghwI'pu'.</div><div dir="auto"><br></div><div dir="auto">DaH, chaq jatlhqanglu': bImuj ! qaStaHvIS cha' DISvam, naDev lupaw 'op taghwI'.</div><div dir="auto"><br></div><div dir="auto">chaq..</div><div dir="auto"><br></div><div dir="auto">'a potlh wa' Doch neH.. chaq naDev lupaw 'op taghwI'; 'a tlhIngan Hol lughojta' taghwI' 'ar ?</div><div dir="auto"><br></div><div dir="auto">wa' ? cha' ? wej ? loS ? 'ar ?</div><div dir="auto"><br></div><div dir="auto">'ej Do'Ha' -tlhIngan HolvaD-, Hol ghojta' pagh..</div><div dir="auto"><br></div><div dir="auto">vaj, chaq maghel'eghnIS; qatlh wanI'vam SIQ tlhIngan Hol ? qatlh taghwI'pu' tu'be'lu' ?</div><div dir="auto"><br></div><div dir="auto">meq law'mo'..</div><div dir="auto"><br></div><div dir="auto">'ej meqmeyvam Hoch vIDelqangbe' (poH yap vIghajbe'mo'..). 'a wa' meq vIghItlh vIneH.</div><div dir="auto"><br></div><div dir="auto">Hov leng lubej nuv law', 'ej tlhIngan Segh lulegh. 'op nuv vuQ tlhIngan vaj, vaj tlhIngan Hol lughoj luneH.</div><div dir="auto"><br></div><div dir="auto">'a Do'Ha' mujbogh vay' luHar: Hol mutlhlu'ta'bogh 'oHmo' tlhIngan Hol'e', ngeD..</div><div dir="auto"><br></div><div dir="auto">vaj, tlhIngan Hol luHaDchoH, 'a ghojmeH tlhoy vumnISmo', tagha' bup.</div><div dir="auto"><br></div><div dir="auto">taghwI'pu' tu'be'lu', Sun luHutlhmo' nuvpu' HochHom. vIt neH 'oH..</div><div dir="auto"><br></div><div dir="auto">~ nI'ghma</div><div dir="auto"><br></div></div>