<div dir="auto">qen, hol kag org Daq le' vItu': hol kag org mu'tay' qaD.<div dir="auto"><br></div><div dir="auto">pa', nargh wa' tlhIngan mu', 'ej mu' bIngDaq DIvI' Hol loS mu' tu'lu'. ghIq DIvI' Hol mu' lugh wIvnISlu'.</div><div dir="auto"><br></div><div dir="auto">'a tlhoy QaQbe' qaDvam. 'ej DaH meq vIpoj.</div><div dir="auto"><br></div><div dir="auto">qaDvam vIwaHtaHvIS, rut tlhIngan mu'mey vISovbe'bogh vIlegh. 'ach loS DuH vIlaDDI', wej DuH vIlajlaH, 'ej vIlajmo', tagha' mu' lugh vItu'.</div><div dir="auto"><br></div><div dir="auto">chaq, vIghellu': vaj, qatlh tlhoy QaQbe' qaD ?</div><div dir="auto"><br></div><div dir="auto">...tlhoy QaQbe', latlh chovmeH mIw tu'lu'mo'. nIvmo', qaq mIwvam:</div><div dir="auto"><br></div><div dir="auto">wa'DIch: narghnIS wa' tlhIngan mu', 'a ghIq narghbe'nIS DIvI' Hol loS mu'. De'wI' jIHDaq DIvI' Hol mu' lugh ghItlhnIS jeSwI'.</div><div dir="auto"><br></div><div dir="auto">qaSchugh mIwvam neH, le'choHbej mu'tay' qaD.</div><div dir="auto"><br></div><div dir="auto">qaSbe'chugh mIwvam, vaj motlh, mu' lugh tu'laH jeSwI', wej mu' lajmo'. 'a mu'mey muj lajlaH jeSwI'; net tobnISbe'. mu' lugh Sov jeSwI'; net tobnIS.</div><div dir="auto"><br></div><div dir="auto">qunnoq</div></div>