<div dir="auto">reH, muSIvmoH wanI'vam..<div dir="auto"><br></div><div dir="auto">bI'IQchoH DaneH'a' ? vay' Daghelchugh vaj ghaytan jang, ghobe'.</div><div dir="auto"><br></div><div dir="auto">'a, pIj bommey 'IQ parHa' nuv. 'ej vIparHa' je. 'e' vIchID. qatlh ? jISovchu'be'.</div><div dir="auto"><br></div><div dir="auto">wa'Hu', yaHwIjDaq jIHtaH, 'ej bom 'IQ vI'IjchoH. bomvammo' jI'IQchoH, 'a bomvam vImevbe'.</div><div dir="auto"><br></div><div dir="auto">chaq, maHvaD 'op ghu' qawmoH 'op bom. 'ej le'mo' ghu'meyvam, bomvam DI'Ij. 'ej bomvammo' ma'IQchoHDI', maqawnISmo' bomvam DImevQo'.</div><div dir="auto"><br></div><div dir="auto">'a taQ. chaq rut ma'IQchoHnIS.</div><div dir="auto"><br></div><div dir="auto">'ej jIHvaD Hov leng lut qawmoH wanI'vam. Dep qIH jemS tIy qIrq. 'ej ghaHvaD jatlh Depvam. jatlh, 'oy'lIj vInge'. 'a ghIq jang qIrq 'ej jatlh: </div><div dir="auto"><br></div><div dir="auto">Qo' ! 'oy'wIj vIparHa' ! 'oy'wIjmo' le' qa'wIj !</div><div dir="auto"><br></div><div dir="auto">vaj, chaq, meqvammo' bom 'IQ DIparHa'. maHvaD wanI'mey le' qawmoHmo'; qa'maj luSIghqu'pu'bogh wanI''e'.</div><div dir="auto"><br></div><div dir="auto">qunnoq</div><div dir="auto"><br></div><div dir="auto"><br></div></div>