<html>
<head>
<meta content="text/html; charset=windows-1252"
http-equiv="Content-Type">
</head>
<body bgcolor="#FFFFFF" text="#000000">
<div class="moz-cite-prefix">On 2/19/2017 3:19 AM, Rhona Fenwick
wrote:<br>
</div>
<blockquote
cite="mid:ME1PR01MB1474E956A932E7DE0A8728B7AA5F0@ME1PR01MB1474.ausprd01.prod.outlook.com"
type="cite"><span class="m_973410155822178912gmail-">qaStaHvIS
Hoch pemvam, De'wI'wIjDaq jIDachtaH, vaj ja'chuqtaHghachvam
QeH'e' vIleghbe'pu', 'ach naDev bIwogh SoH'e' 'e' vIHar jIH,
mIp'av. pab bopbogh vay' tlhoblu'bogh, wIjangmeH
<b>De' DISovbejbogh neH</b> wIlo'laH. De' pegh wIwuvlaHbe';
maybe'. bIjatlhpu' SoH, mIp'av:
<span>"it's immediately obvious to some this combination
nominalizes the same way as "-ee" in "employee"</span>".
qatlh? Qochba' SuStel, 'ej vuDlIj'e' moHtaH DIvI' Hol SovlIj 'e'
Qub 'e' QIjchu' SuStel, 'ej QochmeH tlhIngan Hol De' neH lo'pu'.
po' SuStel. tlhIngan Hol jatlh qaStaHvIS DISmey law'. pIj maQoch
je jIH ghaH je, 'ach vuDDaj vIvuvtaH. naDev lughchu' ghaH 'e'
vIQub jIH. vuDDaj DalajQo' DaneHchugh SoH'e', vaj yIruch, 'ach
marq 'oqranDvo' vuD DaneH 'e' DajatlhDI' quSDaq bIba'. marqvo'
tlhIngan Hol pab bopbogh Hoch'e' wIghoj wIneHba' net Sov. 'ach
qaSpa', latlh nuq DaneH? vuDmeymaj neH DInoblaH. pojmeymaj
DInoblaH. 'ej poj nIv Daghajchugh, vaj gho'ang. 'ach pojna'
tu'lu'be'chugh - DIvI' Hol "-ee" 'oSlaHchu' {-lu'wI'} 'e'
DaQubchugh - vaj yItob.</span></blockquote>
<br>
<p>meqwIj DaQIjchu'pu', QeS. vuDwIj vIchoHqangbej 'ach latlh vuD qar
law' vuDwIj qar puS net tobnISchu'. naDev puq QIpvaD SoQ
vIjatlhbe'; meqlaHbogh valwI'vaD Hol QeD vuDwIj vIQIj. meqchoH
mIp'av 'e' vItul.<br>
</p>
<pre class="moz-signature" cols="72">--
SuStel
<a class="moz-txt-link-freetext" href="http://trimboli.name">http://trimboli.name</a></pre>
</body>
</html>