<p dir="ltr">SuStel:<br>
> <i>Peter Jackson</i> lut Damugh 'e' vItlhoj.</p>
<p dir="ltr">cinema much 'ay' vImughta', cinema much neH vIbejta'mo'.</p>
<p dir="ltr">reH, Qeb joH paqmey vIlaD vIneH, 'a Do'Ha' reH poH vIHutlh.</p>
<p dir="ltr">wa'leS, mu'tlhegh ghom Damughta'bogh vIlaD ! DaH, paSmo' jIQongnIS..</p>
<p dir="ltr">qunnoH jan puqloD<br>
ghoghwIj HablI'vo' vIngeHta'</p>
<div class="gmail_extra"><br><div class="gmail_quote">On 8 Dec 2016 10:01 pm, "SuStel" <<a href="mailto:sustel@trimboli.name">sustel@trimboli.name</a>> wrote:<br type="attribution"><blockquote class="gmail_quote" style="margin:0 0 0 .8ex;border-left:1px #ccc solid;padding-left:1ex">
<div bgcolor="#FFFFFF" text="#000000">
<div class="m_-4827940633057064467moz-cite-prefix">On 12/8/2016 11:59 AM, mayqel qunenoS
wrote:<br>
</div>
<blockquote type="cite">
<p dir="ltr">helms deep luDechtaHvIS orc 'ej lIb QIHna'Daj,
theodenvaD jatlh aragorn:</p>
<p dir="ltr">joHwI', QaH wISuqmeH 'ej pawmeH boqwI'pu', lIghwI'pu'
tIngeH.</p>
<p dir="ltr">'a jang theoden: ..'ej nuQaHmeH paw 'Iv. elves
dwarves joq DapIH'a'. juppu'lI'mo' bIDo' 'a pIrurbe'..</p>
</blockquote>
<br>
<p>va. <i>QIb joH</i> bop QInlIj 'e' vIleghDI' jISeychoH, 'ach <i>Peter
Jackson</i> lut Damugh 'e' vItlhoj. yempu'ghachlIj naDev 'e'
vItI'. HochHom pong vImughQo'.<br>
</p>
<blockquote>
<p>DaH waw' 'el <i>Aragorn.</i> <i>Hornburg</i> SIchpu'be' <i>Éomer</i>
pa' 'e' ghoj. ghaH 'IQmoHlu'.</p>
<p>«ghobe', nagh'a'Daq pawbe'» jatlh wa' <i>Westfold</i> loD.
«vIleghDI' ghaHDaq loD ghommoHlI' 'ej <i>Deep</i> 'etDaq
SuvtaH. tlhej <i>Gamling dwarf</i> je, 'ach vImuvlaHbe'.»</p>
<p>ghommeH yotlhDaq yIt <i>Aragorn</i> 'ej chalqach pa' jenDaq
toS. pa' Qam ta'. Summo' Qorwagh lang Hurgh ta'. ngech bejtaH.</p>
<p>«De' chu' HIja', <i>Aragorn.</i>» jatlh.</p>
<p>«<i>Deeping reD </i>jonlu'pu', joH, 'ej Hub Hoch
bI'lu'chu'pu'; 'ach naDev, nagh'a'Daq, narghpu' loD law'.»</p>
<p>«naDev ghaH'a' <i>Éomer</i>'e'?»</p>
<p>«ghobe', joH. 'ach <i>Deep</i>Daq HeDpu' loDlI' law'; jatlhlu'
ghomDaq <i>Éomer</i> tu'lu'. chaq ngech jaQDaq jagh lubot 'ej
DIS 'el. ghIq tullaH 'e' vISovbe'.»</p>
<p>«tullaHghachDaj HoS law' tullaHghachmaj HoS puS. Soj QaQ lughaj
ja'lu'. Dung nagh Qarghmey DInmo' pa' SuQHa' muD. Hubchugh
loDpu' mul, pe'vIl 'ellaH pagh. nI'law' HubDaj.»</p>
<p>«'ach <i>Orthanc</i>vo' Seng'a' luqengta' <i>Orc</i>»<i> </i>jatlh
<i>Aragorn.</i> «jorbogh qul lughaj, 'ej reD luQaw'meH lulo'.
DIS 'ellaHbe'chugh chaq ngaQmoH 'ej Haw'pu'bogh loD von. 'ach
DaH Hubmaj'e' wIqelnISchu'.»</p>
<p>«bIghHa'vamDaq vInuQlu'.» jatlh <i>Théoden.</i> «jIghuS 'ej
loDwI' 'etDaq jIlIgh net jalchugh chaq muSeymoH vIq, 'ej vaj
jIHegh. 'ach naDev jIlI'be'.»</p>
<p>«<i>Mark</i>Daq waw'vam HoS law' Hoch HoS puS. naDev Da'avlu'»
jatlh <i>Aragorn. </i>SoHvaD <i>Hornburg</i> Hub DuH law' <i>Edoras</i>,
Hub DuH puS. yapbe' je <i>Dunharrow,</i> HuD, Hub DuH.»</p>
<p>«not <i>Hornburg</i> charghlu'pu' ja'lu'» jatlh <i>Théoden,</i>
«'ach DaH jIHon. choHtaH qo', 'ej DaH HoSwI' vorgh wuvlaHbe'
vay'. chay' Dojmeyvam, SaHbe'bogh muSwI'pu' je 'om chalqach?
tlhoy vItlhchoHpu' <i>Isengard </i>HoS 'e' vISovchugh chaq luj
<i>Gandalf</i> mu' 'ej vIghommeH pe'vIl jIlIghqangbe'. po jul
bIngDaq QaQlaw' qeSDaj; DaH QaQbe'law'.»</p>
<p>«<i>Gandalf</i> qeS yInoHQo' rInpa' Hoch, joH» jatlh <i>Aragorn.</i></p>
<p>«tugh rIn Hoch» jatlh ta'. «'ach naDev vIrInmoHlu'Qo'; <i>badger</i>
qan vonlu'pu'bogh vIrurQo'. ghommeH yotlhDaq chaHtaH <i>Snowmane</i>'e'<i>,
Hasufel</i>'e'<i>, </i>'avwI'wI' <i>horse</i>mey'e' je.
jajlo' <i>Helm</i> gheb SuSlu' 'e' vIra' 'ej jIlIgh. ngugh
chotlhej'a' <i>Arathorn</i> puqloD? chaq He luchenmoH nuHmaj
qoj marInDI' bom wIbajlu'ta'—ratlhchugh bomqangwI'.»</p>
<p>«qatlhej bIlIghDI'» jatlh <i>Aragorn.</i></p>
<p>mej <i>Aragorn.</i> reDDaq chegh 'ej Hoch reDDaq yIt. loDpu'
tulmoH 'ej HaghDI' jagh, QaH. tlhej <i>Legolas.</i> bIngvo' jor
qul 'ej Qom naghmey. toSmeH tlhegh lujaDlu' 'ej choghvat
lupeplu'. roD reD yor luSIch <i>Orc; </i>roD pummoH HubwI'.<br>
</p>
</blockquote>
<pre class="m_-4827940633057064467moz-signature" cols="72">--
SuStel
<a class="m_-4827940633057064467moz-txt-link-freetext" href="http://trimboli.name" target="_blank">http://trimboli.name</a></pre>
</div>
<br>______________________________<wbr>_________________<br>
tlhIngan-Hol mailing list<br>
<a href="mailto:tlhIngan-Hol@lists.kli.org">tlhIngan-Hol@lists.kli.org</a><br>
<a href="http://lists.kli.org/listinfo.cgi/tlhingan-hol-kli.org" rel="noreferrer" target="_blank">http://lists.kli.org/listinfo.<wbr>cgi/tlhingan-hol-kli.org</a><br>
<br></blockquote></div></div>