<p dir="ltr">ben puSqu', athens vIDabtaH..</p>
<p dir="ltr">pa' jIyIntaHvIS, tInmo' chuqmey, Hoch jaj puH DujwIj vISeDtaH. 'ach qen juH vengDaq vIcheghta' 'ej naDev mach chuqmey.</p>
<p dir="ltr">machmo' chuqmeyvam, Dat vIjaHmeH jIyIt; puH Duj vIlo'be'. DaH, chaq jatlhlu': QaQ ghu' ! nIn Dalo'nISbe' !</p>
<p dir="ltr">'a napbe' ghu'..</p>
<p dir="ltr">wa' ben, puH DujwIjDaq DIS leH ta'ta' jonwI'. 'ej leHvam ta'ta'DI', mujatlh: pIjHa' puH Dujvam Dalo'ba'.. jIjang: bIlugh; chay' ghu'vam DaSov. jatlh: puH Duj bIngDaq spidermey tu'lu'.. jIjang: toH ! qay'wI' tu'lu''a'. 'ej ghIq mujatlh: pIj puH Duj Dalo'be'chugh vaj QapHa'choH Dujvetlh ! ..ghIq vIghel: vaj chay' jIvangnIS. 'ej jatlh: Hoch Hogh wa'logh yISeD !</p>
<p dir="ltr">Hu'tegh ! ..jIHvaD vavwI' dogmey qawmoH ghu'vam ! Hoch jaj, vIQuchmoHmeH mayIttaH jIH bIH je. DaH, Hoch Hogh puH DujwIj vIvIHnISmoH je !</p>
<p dir="ltr">vaj dog rurchoH puH DujwIj.. ghu'vam vIparHa' ! vIghro' rur DujwIj net jalchugh vaj qaq ghu'vam.. vIghro' rurchugh vIH'eghmoHlaH.</p>
<p dir="ltr">qunnoH jan puqloD<br>
ghoghwIj HablI'vo' vIngeHta'</p>