<p dir="ltr"><br>
qen, much vIbejtaHvIS pa' jatlhlu':</p>
<p dir="ltr">tera'vamDaq yItchoHDI' Qunpu', bechchoH Humanpu'.</p>
<p dir="ltr">mu'meyvam vIQoyDI', SIbI' wa' ngoD potlh vItlhoj; lughlu'bej.</p>
<p dir="ltr">chaq chalvo' paw Qunpu'vam, chaq be'vo' bogh Qunqoqvam.. 'ach teH wa' Doch neH; numuStaH. numuSqu'taH.</p>
<p dir="ltr">peghel'egh.. peghel'egh DaH 'e' vIpoQ.  nuSeHmeH Qunpu'vam qatlh reH nID chaH. meq le'mo' qaStaH wanI'vam. 'oHvaD meq tu'lu' net poQ. qar'a'.</p>
<p dir="ltr">'ach, nuq 'oH meqvam'e'. Datu'meH tlhab yabraj net 'utmoH. 'ach toy'wI''a'pu' lImojmoHchugh Qunpu'qoqvam, not vIt DatlhojlaH..</p>
<p dir="ltr">meq law'mo', numuStaH HI''a'pu'vam, Qunpu'qoqvam..</p>
<p dir="ltr">mamuSHa'laHmo', manga'chuqlaHmo', manonglaHmo' numuStaH. ngajmo' yInmaj potlh yInvam, 'ej jubbe'wI' maHmo' meHghem wIchenmoHlaH. jubbe'wI' maHmo' nenchoHlaH qa'maj, 'ej jubbe'wI' maHmo' potlh Hoch tup Hoch lup'e'.</p>
<p dir="ltr">pagh Qunpu' DIlob net 'utmoH; pagh HI'pu', pagh HI''a'pu'.</p>
<p dir="ltr">maHvaD Qun 'oH qa'ma''e' neH..</p>
<p dir="ltr">qunnoH jan puqloD<br>
ghoghwIj HablI'vo' vIngeHta'</p>