<p dir="ltr">motlh, pu'DaH ghaj logh Duj, net Sov.</p>
<p dir="ltr">'ach DaH latlh mu'tlhegh wIqelnIS; qatlh tera'Daq pu'DaH ghajbe' puH Dujmey ?</p>
<p dir="ltr">jISov.. chaq DaH SuQubtaH: maw''a' ghaH ? qatlh chabalvam ghaj ? 'ach meq vIghajbej..</p>
<p dir="ltr">pIj, tera'Daq Sor bIngDaq puH DujDaj verghlu'. 'ej puH DujDajvo' tlheDtaHvIS, wa' Doch tlhojlaHbe': SorvetlhDaq bo'Degh tu'lu' ! toH, malja'Daj HuqtaHvIS, puH DujDaj lulammoHtaH bo'Degh jay'.</p>
<p dir="ltr">wanI'vam lajlu'Qo' ! cherghlu'Qo' !</p>
<p dir="ltr">'op ben, athensDaq jIyIntaHvIS, Sor bIngDaq puH DujwIj vIverghta'. ghIq juHwIjDaq vIjaHta'. po veb, puH DujwIj vIleghpu'DI', jIQay'qu' ! bo'Deghmeymo', 'upchoH puH DujwIj ! Dat DujDaq,  lam tu'lu', vabDot 'orwI' lojmIt; vabDot lojmItvetlh jI'ev !</p>
<p dir="ltr">toH, tagha', puH Duj Say'moHlu'meH, wejmaH *euro*mey vInob 'ej vInobtaHvIS bo'Deghmey vI'IghmoHtaH..</p>
<p dir="ltr">'o mu'qaDmey.. bo'DeghmeyvaD mu'qaDmey vIbachta'bogh.. qaSpu' DISmey 'ach mu'qaDmeyvam vIqawtaH !</p>
<p dir="ltr">jajvetlh, wa' Doch vItlhoj: pu'DaH ghajnISbej tera' puH Dujmey.. HoHmeH pu' ghajnIS 'e' vImeqbe', 'ach DoHmoHmeH pu' ghajnISbej..</p>
<p dir="ltr">SKI: no SKI. if you want to understand learn klingon.</p>
<p dir="ltr">qunnoH<br>
ghoghwIj HablI'vo' vIngeHta'</p>