[tlhIngan Hol] ghIQta'ghachwIj

[Will Martin]

DoyIchlangan ‘eyre'ngan je chaH be’nalwI’ no'’e’. ben law' DoyIchlan wISuchta’ be’nal jIH je. qen ‘eyre’Daq maghIQ be’nalwI’ puqloDDaj jIH je. qaSpa’ wanI’vam, not ‘eyre’ wISuch.

‘eyre’ nIQ naQ vItIvchu’, ‘ach pIj nIQvam vISopqa’chugh, jIpI’choHba’. qaStaHvIS cha’ Hogh maghIQ ‘ej cha’logh ‘eyre’ nIQ naQ wISop.

pa’ ‘Iw wIlpuq yugh nIQ. ‘amerI’qa’ SepjIjQa’Daq not ‘Iw wIlpuq vISoppu’. ‘ey. ro’qegh ‘Iwchab rur.

QIm yugh je nIQvam. yorDaq Sotlhqel tu’lu’. ‘IH.

DI’raq luH Say’lu’pu'bogh ‘ej ghoDlu’pu’bogh yugh, je yugh je nIQvam le'. ghoDmeH la’yIgh Ha’DIbaH je lo’lu’.

DI’raqvo’ nIm wIb ngogh yugh nIQvam le’ je.

‘Eychugh Soj, ghaytan ‘eyre’ nIQ naQ yugh.

‘eyre’ HIq vImaS. wIbbe’.

Dat ‘IH jorchan. bIQ’a’Daq qoj’a’ tu’lu’. ‘IH HuDmey, ngechmey, bIQ’a’ HeH.

*Burren*Daq wISuchDI’ muja' be’nalwI'. jatlh <<juHDaq jIpaw’ta’.>>  HomDu’DajDaq Har.

Qobba’ tawmey. lang. wanHa’. ghargh rur. nom SeD be’nalwI’ puqloD.

Dat naghmey tu’lu. reD chenmoHmeH, naghmey lo’ Hoch. Dat nagh reD tu’lu’. qaStaHvIS cha’SaD DIS, Dat nagh chenmoHtaH ‘eyre’nganpu’.

pItlh

charghwI’ ‘utlh
(ghaH, ghaH, -Daj)




-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20231027/bcfe3a91/attachment.htm>