[tlhIngan Hol] hellenic gods - epithets of gods - hera part 3

[mayqel qunen'oS]

*macaira:* Quchchu'bogh vay'; watlhbogh 'ej Do'bogh vay'. DI'onmeyvam chIw
Hoch Qunpu' jub.

*nympheomene:* vay' tlhogh be'; vay'vamvaD 'e' lay' be'vam. Sarvam be' Del
pongvam cha'DIch.

*olympia:* *olympia **hera.*

*pais:* be'Hom.

*pambasileia:* Hoch voDleH.

*pancrates:* HoSghajchu'bogh vay'.

*pantogenethlos:* Hoch lIngbogh vay'; Hoch qaSmoHbogh vay'; Hoch
chenmoHbogh vay'. 'otHa' *orpheus* 'ay'Hom wa'vatlh wejmaH cha': nItebHa'
Hoch lIng/qaSmoH/chenmoH *zeus **hera *je, 'ej *zeus **hera *je
patlhmoHlu'chugh, QIvbe' *hera*.

*parthenia:* wej tlhoghpu'bogh be'; not ngaghpu'bogh be'. *hera *pong
cha'DIch 'oH, 'ach *artemis* pong cha'DIch 'oH je. *hera *pongvam cha'DIch
mung QIjbogh wa' nger tu'lu': *parthenius *bIQtIqmo' *hera* pongvam
cha'DIch qonlu'pu' 'e' SovmoH ngervam.

*pelasga/pelasgis: **pelasgian* be'/Qun. *thessaly **hera *pong cha'DIch
'oH, 'ach *demeter* pong cha'DIch 'oH je. *argos*Daq *demeter **pelasga*/
*pelasgis* chIrgh tu'lu'.

*pharygaea/pharngaia:* *locris*Daq *pharygae* veng tu'lu', 'ej pa'
*hera *chIrgh
tu'lu'. vengvammo' pongvam cha'DIch qonlu'pu'.

*polyonymus:* pong law' ghajbogh vay'.

*potnia:* voDleH.

*prodromia:* 'oghwI' wa'DIch. chenmoHwI' wa'DIch.

*rhea eukomos thygater:* jIb 'IH *rhea *puqbe' ghaH *hera*'e'.

*samia:* *samos* 'ambay *hera*; *hera* pong cha'DIch 'oH je *samia*'e'.
*samos* 'ambayDaq *hera* quvmoHlu' je, 'ej pa' *hera* chIrgh tu'lu', vaj
'ambayvam pongmo' *hera* pongvam cha'DIch qonlu'pu'. *samos*Daq boghpu' *hera
*'e' 'otHa' wa' lurDech, 'ej vabDot pa' boghpu'be'chugh *hera*, pa'
nenchoHpu' 'e' 'otHa' je lurDechvam rap.

*teleia:* nenwI'.

*zoogonus thea:* be' ghaHbogh Qun'e' DelmeH 'elaDya' Hol, *thea* mu' lo',
'ej yInchoHmoHbogh vay' DelmeH, *zoogonus *lo'. vaj yInchoHmoHbogh Qun Del
pongvam cha'DIch.

*zygia/zygius/zugia/zugios:* *hera* pong cha'DIch 'oH *zygia*'e'/*zugia*'e',
'ej *zeus* pong cha'DIch 'oH *zygius*'e'/*zugios*'e'. tlhogh luche' 'ej
lurang Qunvam 'e' luDel pongvam cha'DIch. 'ach *hera* pongvam cha'DIch QIj
wa' latlh nger: cha' tep Ha'DIbaH rarbogh jan/naQ'a' 'oH *zygos*'e', vaj
tlhoghpu'bogh vay' Del *zygia.*

-- 
Dana'an
https://sacredtextsinklingon.wordpress.com/
Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20220416/28017255/attachment-0001.htm>