[tlhIngan Hol] Norse gods - a rebuttal

[SuStel]

/Frigg:/ Odin be'nalna', Balder SoS. Balder SaHqu'. ghaH toy' Gna, Fulla 
je. be' nen, SoS je rur tu'qomDaj.

/Fulla:/ Frigg toy' ghaH, be' Qun law' je.

/Fylgjur (wa' Fylgja):/ ghojmoHbogh be' Qunpu'. rurchuq Hoch. HumanvaD 
De' ghuH joq QumlaH. wa' ghaj Hoch Human. Heghchugh Fylgja, tugh tlha' 
ghotDaj. Heghpa' Human, Qobqu'DI' ghu', pIj FylgjaDaj legh Humanvetlh. 
motlh Ha'DIbaH  tu'qom legh (tera' mIl'oD, tera' ngavyaw', toQ, ghargh, 
latlh). rut Human tu'qom tuQ; ngugh nuH qengbogh Valkyries rur.

/Gerd:/ Frey be'nal; ghaH SawmeH, Qatlh qaD. be' Qunpu''e' tlhoS ghaH 
'IH law' Hoch 'IH puS.

/Gna:/ latlh Frigg toy'wI'. QInmey qem 'ej ghaHvaD tey' Frigg.

/Heimdall:/ Asgard 'avwI'. tuch rIt. Human Segh vav ghaH. Loki jagh 
ghaH; not jegh. gheb SuSlu'bogh 'oH DeghDaj'e'.

/Hel:/ Loki puqbe'. ghe''or Niflheim 'av. rut NiflheimvaD Hel ponglu'. 
Heghpu'chugh qa' 'ej Valhalla, latlh Daq le' jaHbe'chugh, qa' pol Hel.

-- 
SuStel
http://trimboli.name
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20210902/c0bca0df/attachment-0003.htm>