[tlhIngan Hol] thoughts on the "squid game"

[Will Martin]

Qat [Squid Game]. QatHa’ tlhIngan Hol ‘ej QatHa’ tlhIngan Hol jatlhwI’pu’ law'. vaj [Squid Game]’e’ SaHbe’ tlhIngan jatlhwI’pu’ law’.

QatchoHlI' Doch ‘e’ ghoj QatwI’pu’, leghnIS QatwI’pu’. nongqu’.

chay’ tIw tlhIngan jatlhwI’pu’ law'? jatlh. <<wejpuH.>>

‘ach Doch ven tu’lu’DI’ qoj qaS wanI’ ven, Sey’choHchu’ tlhIngan Hol jatlhwI’pu’!

qatlh?

venchu’ tlhIngan Hol, qar’a'?

pItlh

charghwI’ ‘utlh
(ghaH, ghaH, -Daj)




> On Oct 21, 2021, at 8:54 AM, mayqel qunen'oS <mihkoun at gmail.com> wrote:
> 
> ***** SPOILER ALERT *****
> ***** SPOILER ALERT *****
> ***** SPOILER ALERT *****
> 
> lut mIrvam Hoch vIbejpu', 'ej wa' vIjatlhnIS: povchu' jay'!!! lut mIrvam Hoch vIbejmeH, lojmItjaj vorgh qaStaHvIS vagh rep, lut mIrvam vIbejtaH, 'ej jaj wa' vorgh qaStaHvIS latlh vagh rep, lut mIrvam vIbejtaH; 'ej vabDot jIDoy'qu'choHpu'DI', jImevlaHbe'pu'.
> 
> jIyIntaHvIS, lut mIrmey vItoghlaHbe'bogh vIleghpu'; povchu' 'op; 'ej lut mIr Sarvam 'oHbej squid game'e'. povchu' jay'!!!
> 
> teH, muSujchu'pu' 'op 'ay'Daj; teH.. 'ej bI'reS HeghchoHtaHvIS Qujvam QujwI'pu', chaH vIvupchoHpu'. 'a rInDI' qaD wa'DIch, 'ej lappu'DI' QujwI'pu', tlhabchoHpu', Hoch QujwI'pu' jonHa'pu'mo' squid game loHwI'pu'.
> 
> 'a ghIq squid game lucheghpu' 'e' luwuq HochHom QujwI'pu', 'ej chIch HeghmoHbogh Quj luQuj 'e' lulaj, vaj tagha' pagh vIvuppu'.
> 
> qaStaHvIS Qujvam, Qujvam lughangmeH QujwI'Daj, reH lapqa'laHtaH, 'a DuHvam luqelbe'..
> 
> 'ej QujtaHvIS, wa' HoHqangtaH latlh net lIjbe'nIS.
> 
> DaH.. muSujpu'bogh 'ay'mey'e', muSujchu'pu' wej:
> 
> 1. pel'aQmey ribbons Doq; Heghpu'wI'pu' nuSlaw'.
> 
> 2. pel'aQDaq Heghlaw'pu'bogh nuv lanlu', 'a wej Heghchu'pu' nuvvam. narghmeH, nIDchoH nuvvam, vaj pel'aQ yuvtlhe' yuvchoH. 'a ngugh pel'aQ qoDDaq nuvvam ghop yuv 'avwI', 'ej vIncha'Daq pel'aQ vo' 'avwI'.
> 
> 3. tug of war ravDaq Heghpu'bogh QujwI'pu' 'Iw tu'lu', 'ej rav luSay'moHmeH 'avwI', 'IwDaq bIQ lughay.
> 
> tagha' latlh vIjatlhnIS je': naS Qujvam loHwI'pu', 'a maychu': tagha' Qujvam QapwI'vaD Hoch lulay'pu'bogh lunobpu'.
> 
> Anyways..
> 
> povchu' lut mIrvam, 'ej lut mIrvam luDellaHbogh mu' vISamlaHbe'.
> 
> povchu' jay'. 'ej lut mIrvam leghnIS lut mIr Sarvam parHa'bogh Hoch 'e' vIHar.
> 
> --
> Dana'an 
> https://sacredtextsinklingon.wordpress.com/ <https://sacredtextsinklingon.wordpress.com/>
> Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org

-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20211021/6daef427/attachment-0016.htm>