[tlhIngan Hol] naDev tlhIngan Hol neH vIlo'.

[Will Martin]

naDev DIvI’ Hol vIlo’DI’ jInuQ ‘e’ vISovmoHlu’ta’. nuQbe’law’ latlhpu’.

qar’a' qechvam? ram vuDwIj ‘ej jISaHbe’. potlhlaw’ latlh vuD ‘ej SaHlaw’. qeSDaj vIlaj.

vaj tlhIngan Hol vIlo’nIS pagh jItamnISchu’. qay’be’. naDev ghaytan tlhoy DIvI’ Hol lo’lu’. qaStaHvIS DISmey law’ Holvam wIHaD ‘ej wInuD ‘ej wIwaH. qatlh? chaq wIlo’choH net pIH?

DaH wIlo’be’chugh, ghorgh wIlo’choH?

‘ach tlhIngan Hol vIlo'taHvIS qech vIqelbogh vIwuqnIS ‘ej Qatlh Qu’vam. qechmey law’ vIghaj, ‘ach roD jIjatlhDI’ ‘IjwI’ vIqel. ‘IjwI’vaD Daj’a’ qech?

naDev roD Daj tlhIngan Hol neH. ‘ach HolQeD’e’ puS tlhIngan Hol mu’mey. vaj Hol rIchlu’meH roD DIvI’ Hol lo’lu’. vaj naDev, roD DIvI’ Hol lo’lu’.

maSovchuq’a’? maja'chuqchugh ‘ej tlhIngan Hol wIlo’ ‘ach tlhIngan Hol wIrIchbe’, nuq wIjatlh?

juppu’wI’ tlhIH’a’? tuparHa’’a’? tuSaH’a’? SaparHa’’a’? SaSaH’a’?

QIntetlhvamDaq qabDu’ DIHutlh. QInmey tlhuDlu’. DoS Hutlh. QInvam laD ‘Iv? yajlaHbe’ ‘op. SaHbe’ ‘op. ghaytan ‘opvaD nuQ.

Huj Humanpu’.

vaj QInvam vIqonpu’mo’, jIHujba’.

pItlh

charghwI’ ‘utlh
(ghaH, ghaH, -Daj)




-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20211129/557f3fb4/attachment-0003.htm>