[tlhIngan Hol] the strength of the wolf lies in its' pack

[mayqel qunen'oS]

qen, altered carbon lut mIr vIbejtaHvIS, pa' jIQoypu'; jatlhlu'pu':

"the strength of the wolf isn't in its' fangs or claws, but in its' pack".

{wolf luHoSmoHbe' Ho'Du'chaj pachDu'chaj joq; latlh *wolves*mo' HoS wolf}.

'ej mu'tlheghvam vIQoypu'DI', SIbI' tlhIngan mu'tlheghvam veb vIqawpu'DI':

{wa' Dol nIvDaq matay'DI' maQap}.

wa' vIt potlh lu'chIwchu' cha' mu'tlheghvam: nIteb taHlaH pagh. nIteb
QaplaH *pagh*.

Qap tlhIngan Hol, matay'mo'. taH tlhIngan Hol, Holvam lughojqangmo' nuv,
'ej tlhIngan Hol lughojlaH nuv, wa' QaHmo' latlh.

ram pagh. potlhbe' pagh. 'ut *Hoch* tlhIngan ghojwI', 'ej Holvam - Holmaj -
luSIghlaH 'ej luDubmoHlaH Hoch jatlhwI'pu'Daj.

mu'tay' chu' poQchugh pagh, vaj chay' Sach mu'tay'? pab QIjchu'ghagh
poQchugh pagh, vaj chay' tlhIngan pab wIyajlaH?

vaj 'utchu' Hoch ghojwI', 'utchu' Hoch jatlhwI'.

Do'Ha' 'op toDSaH tu'lu', 'ej vItvam 'ut luyajqangbe'.

~ Dana'an
woe unto you scribes
and pharisees hypocrites
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20210309/8d640b3f/attachment-0015.htm>