[tlhIngan Hol] who's the lucky one?

Will Martin willmartin2 at mac.com
Wed Mar 31 08:38:34 PDT 2021


latlh yIn muwel pagh. latlh yIn Duwel pagh.

le’chu’ wa’ yIn. nagh SoHchugh, yIn DaHutlhlaw’. nuv SoHmo’ wa’ yIn DalopnIS. 

latlh yIn DaneH’a’? bIqur.

yInvam yemmo’ qaStaHvIS latlh yIn vIHuplu’’a’? ghobe’! yInvam yemmo’ qaStaHvIS yInvam vIHuplu’.

yem vIjunbe'chugh, jIpar’egh. yem vIjunchugh, jIparHa’’egh. yap.

not Dublu’ Hajlu’mo'. loplu’mo’ neH vay’ Dublu’. QIpchu’ quvHa’wI’pu’.

charghwI’ ‘utlh
(ghaH, ghaH, -Daj)

> On Mar 31, 2021, at 10:39 AM, mayqel qunen'oS <mihkoun at gmail.com> wrote:
> 
> Although years have passed since the following discussion, I still can't decide who's the lucky one.
> 
> 'op ben, maja'chuqpu' jIH wa' nuv je, 'ej lalDan luboppu' mu'maj. yIn veb luboppu'.
> 
> ghaHvaD jIjatlhpu': < Heghpu'DI' nuv, tagh latlh yIn 'e' vIHar. >
> 
> jangpu' latlh nuv: < Heghpu'DI' nuv, pagh tu'lu' 'e' vIHar.. >
> 
> ngugh jIjatlhpu': < qaghal.. Suto'vo'qor ghe''or je DaQepbe'. 'a chaq tagha' ghe''or vI'el 'ej 'e' vIHaj. >
> 
> 'a jIHvaD jangpu': < bImuj, mayqel; qaghel *jIH*; jIyIntaHvIS, HeghwIj vIloS.. 'a jIHeghpu'DI', latlh yIn tu'lu' 'e' vIHarlaHbe'mo', jItullaHbe'.. > 
> 
> ghIq vanpu' ja'chuqghachvam.. qaStaHvIS DISmey veb, pIj ja'chuqghachvam vIqawpu', 'a wej Do'bejbogh nuv vIngu'laH..
> 
> ~ Dana'an
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org

-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20210331/81594fe8/attachment.htm>


More information about the tlhIngan-Hol mailing list