[tlhIngan Hol] jIpuv 'e' vIqaw

[Will Martin]

chalDujmey ghaj juppu’wI’. *payper qab jey-tlhe'rIy* ghaj wa’ jup. mach. SuD. DopDaq pe’bIl qIj tu’lu’. cha’ nuv qenglaH. tlhopDaq ba’ wa’. ‘o’Daq ba’ latlh. ‘o’Daq jIba’.

qaSlI’ *summer*. nIHDaq poStaH lojmIt. poSDaq poStaH Qorwagh.

tlhop Qorwagh tlhopDaq nIn juvmeH jan napqu’ tu’lu’. nIn bebDaq ‘ay *cork*. *cork*vam yor jeq baS Sirgh. qung’e’ veghbogh baS SIrghvam ghaj nIn bal qorghwI’. leghchu’meH yorDaq baS SIrghvam ‘er’In SIHlu’. pa’ SaSchoH baS SIrghvam. nIn natlhlu'taHvIS ghIr baS SIrgh SaS. nIn ‘ar wIghaj? SIvlu’chugh, baS SIrgh SaS nejlu’. SovmoH baS SIrgh SaS.

jonta’ vumchoHmoHmeH vo’wI’ tlhe’nISmoHlu’. ‘ul ‘aplo’ Hutlh chalDujvam. vo’wI’ luHnIS nuv.

SaqmeH ‘ej SaqHa’meH puH nIl lo’. tIqnISbe’ SaqDaq. QIt puv chalDujvam.

po’chu’ ‘orwI’wI’. SaqHa’ ghIq Hatlh chal je DItIv, ghIq maSaqmeH SaqDaq wIghoS. tIqbe’qu’mo’ SaqDaqmaj ‘ej maSaqtaHvIS SuS wIQeqnISlu’mo' ‘ej Hemaj waQmo' Sor woch, tlhoS Sor yor wIngeQnIS, ghIq nom maghIrchu’meH, poSDaq maDernIS ‘ej nIHDaq maronnIS. SIbI’ chaghchu' chalDujmaj.

nIHDaq poSmo’ lojmIt, magh vIleghlaHchu’. nom tInchoHmo' magh ‘etlhmey vItoghchoHlaH ‘e’ vIHarchoH. jISeychoHchu’ ‘ej jIQapchoHchu’. ‘orwI’wI’ vIvoqchu’. 

magh ‘etlh yo rutlhmey. jI’IjDI’ SISlI'ghach rur. Hab SaqmeH Hemaj. mapaw’be’chu’ SaqDaq maH je. po’mo’ ‘orwI’wI’ ngeDlaw’ Qu'vam.

charghwI’ ‘utlh
(ghaH, ghaH, -Daj)