[tlhIngan Hol] qoro'na javtIm wa'maH Hut

[Will Martin]

Hujpu’ tera’ DIS cha’maHcha’maH (cha’SaD cha’maH).

qub yaHwIj vISuchmeH jaj. roD juHwIjDaq jIvum. qaStaHvIS vummeH repmey, De’wI’wIjDaq jIba’. QInmey vIjang. qepHeymeyDaq jIjeSlaw’.

rut <<HIngaQHa’moH-toD>> vIlo’. nIqHom ‘oH. muchaw’chugh latlh, De’wI’Daj vIra’laH.

pIj Qu’vaD vIloStaH. Dal. bIghHa’Daq poH rurchoH vummeH jajwIj.

latlhpu’ vIQaHDI’, QaQ jaj. law' jajmey QaQ’, vaj roD jIvIngQo’.

javmaH jav ben jIboghpu', vaj jIHvaD Qoblaw’ ghu’, ‘ach latlh chaq-jIHegh meq vIHutlh. jIpI’be’. pIv taghDu’wIj. pIv tIqwIj.

parHa’chuqchu’mo’ be’nalwI’ jIH je jIDo’qu’. qaStaHvIS poH HochHom, matay’.

jImobDI’ pIj <<*Zelda* tlhay’Ha’wI’ tlhuH>> vIreH…

jISov. wej ben chenmoHpu’ Qujvam. jISaHbe’. *Hayrul*Daq jIyIt, jItoS, jIQal, jIpuv, ‘ej jISuv ‘e’ vItIvtaH. *lot ghenan* vIHoHqa’ta’mo’ jIreHqa’DI’, vIHoHpa’, Quj vItaghqa’. bI’reS jISuchqa’.

wa'vatlh wa’maH Hut “shrine”mey vIcharghDI’, Quj vItaHqa’. *motorcycle* vItIvbe’. vISuqta’, ‘ach Qu’ vItIvbe’, vaj bI’reS vImaS.

‘ej Dalmo’ Qu’,  puvlaHbe’bogh bo’Deghmey vISamQo’, vaj wa’vatlh cha’maHDIch *shrine* vIcharghlaHbe’... 

qen "Hylean pants, barbarian chest armor, and Tingle’s pointy hat” vItuQ. wej yaD’a’ vISuq. wa’maH cha’ tIqDu’ vIghaj, vaj tugh vISuqba’. pagh “Devine Beast” vISuvpu’.

batlh *Hayrul*vaD jISuvtaH!

charghwI’ vaghnerya’ngan

rInpa’ bomnIS be’’a’ pI’.

-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20210106/ffbe21c6/attachment-0015.htm>