[tlhIngan Hol] tlhIngan laHoywIj vIweSpu'..

[Will Martin]

taghwI’ lo’laHbe’ Darur ‘e’ DaHar, ‘ach DojtaH laHlIj. HIja’, bItlhetlhHa’pu’, ‘ach wej mIw DatlhetlhDI’ ‘ej wa’ mIw DatlhetlhHa’DI’, cha’ mIw Datlhetlhta’ ‘e’ yIghov.

qep’a’ wa’DIch vIjeSta'. matlh jupna' jIH. tlhIngan Hamlet vIData'. loS tlhIngan bomwI’ vIjeSta'. taghwI’ pabpo’ jIHta’.

laHwIj “rusty” law’ laHlIj “rusty” puS. ghaytan QInvamDaq jIQaghpu’, ‘ach jIjIvmo’ QaghwIj vIghovlaHbe’.

bIchegh. bIjatlhqa’. bInIDqa’. batlh bIghojqang. yap.

charghwI’ vaghnerya’ngan

rInpa’ bomnIS be’’a’ pI’.

> On Jan 31, 2021, at 9:59 AM, mayqel qunen'oS <mihkoun at gmail.com> wrote:
> 
> qaStaHvIS cha' jar vorgh, Do'Ha' 'op ghu' qay' vIDIghnIStaH, 'ej qaSmo' wanI'vam, tlhIngan Hol vIlo'laHbe'taH.
> 
> vaj DaH gher'IDmey vISIQnISba'.. 
> 
> qaStaHvIS cha' jar, jIqeqbe'taHmo', nupqu'pu' tlhIngan laHoywIj. qaSchoHpu'be' poHvam, nom tlhIngan mu'tlheghmey vIqonlaHpu', jIQubtaHvIS, 'ej QInmey vIqontaHvIS.
> 
> 'a DaH jI*rusty*choHpu'..
> 
> wejpuH.. "back to square one.." jatlh 'amerI'qa'nganpu', qaStaHvIS Sarvam ghu'mey, 'ej lughchu'.
> 
> DaH taghwI' lo'laHbe' vIrur jay'; 'ej 'op vIHaDnISqa'  'ej vIghojnISqa'. QI'yaH!
> 
> ~ Dana'an
> 
> _______________________________________________
> tlhIngan-Hol mailing list
> tlhIngan-Hol at lists.kli.org <mailto:tlhIngan-Hol at lists.kli.org>
> http://lists.kli.org/listinfo.cgi/tlhingan-hol-kli.org <http://lists.kli.org/listinfo.cgi/tlhingan-hol-kli.org>
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20210201/b29a64f0/attachment.htm>