[tlhIngan Hol] useless useless {loch} verb

Ed Bailey bellerophon.modeler at gmail.com
Thu Apr 22 09:25:51 PDT 2021


charghwI' mu'tlhegh vIlaDqa' 'ach vIyajlaHbe' 'e' vIHar DIvI' Hol mu'tlhegh
vIghajbe'chugh. SuStel mu'tlheghmey vIyaj. wot <loch> lo'meH ghantoH
wIghajbe', qar'a'?

mu'vam wIghaj vItlhobpu'mo'. ngugh mI' naQbe' mu'mey neH DIghajtaHbogh
bIHtaH bID'e' vatlhvI''e' je, qar'a'? cha'logh vItlhobpu'. wa'DIch poH
chabal tetlhDaq mI' naQbe' 'oSmeH mu' vItlhobpu'DI', DIp /SubmaH/ wIHev.
qep'a' 25Daq DIpvam 'anglu'pu'. jIyepbe'ba'taH jItlhobDI'. SubmaHmey 'oSmeH
Ho'DoS vIneHtaH. vaj vItlhobqa'DI' jIyep'eghmoH.

DIS veb wot /loch/ wIHevpu'. jIyonbe' jIH je. Soy'law'. to'waQwam
vIyIvtaHvIS, mI'QeD Hol HochHom'e' 'angbogh 'oqranD vIpar, 'ach vuDwIj
tlhob pagh.
~mIp'av
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20210422/81b55699/attachment-0003.htm>


More information about the tlhIngan-Hol mailing list