[tlhIngan Hol] be' Qun Athena, SuStel, tlhIngan ponglIj chu', wa' lIr je

[mayqel qunen'oS]

wa'Hu' jIQongmeH, jIQotpu'..

'a tlhoS jIQongchoHpu'DI', telDu' vIQoychoHpu'; < qaS nuq ? >
jIQubpu', 'ej mInDu'wIj vIpoSmoHchoHpu'. 'a vIpoSmoHchu'pu'pa',
pa'wIjDaq bochchoHpu' tamghay vItlh, 'ej tamghayvam botlhDaq Qam wa'
be'.

tamghayvam tlhuD be'vam; yoD 'uch, SIryoD tuQ, 'ej volchaHDajDaq ba' wa' lIr,

bI'reS jIHajchoHpu', vaj jIjatlhlaHbe'. 'a SIbI' jatlhchoHpu' be'vam:
< qavan 'elaDya' puq, HIleghvIpQo'. >.

< 'iv SoH ? > tagha' jIjatlhlaHpu'.

< athens veng QanwI' jIH, 'ej pa' muquvmoHmeH no'lI', jIHvaD parthenon
luchenmoHta'. Human qa' DI'onmey chul vIchIwchu', lIr 'oH DeghwIj'e',
'ej Dup be' Qun jIH. nike vIqeng. odysseus QanwI'-Qun jIHpu', 'ej
troyDaq trojan horse chenmoHmeH epeius, epeius vIQaHpu', odysseusvaD
trojan horse qech vI'otHa'pu'DI'. >

< athena ? > jIjatlhpu'; < chay' qIt ? wIch neH SoH.. >

< puqwI', wIch jIHbe'. jIyInbej. cholIjlaw'pu', 'a not qalIjpu'. >
jangpu' athena.

< qatlh naDev Dapawpu' ? nuq DaneH ? > vIghelpu'.

'ej jatlhpu' be Qun..

< 'elaDya' puqwI'.. qatlh yISra'el pong 'oH tlhIngan ponglIj'e' ?
yISra'elngan SoHbe'. not yISra'elngan SoHpu'. qatlh DuSIghpu' yISra'el
lalDan ? qatlh yISra'el lalDan pong Dalo'choHpu' ?

olympics, democracy, philosophy je 'oghpu' vInDa'lI' tIQ; parthenon
luchenmoHpu', 'ej iliad, odyssey, tragedies je qonpu'. chavmeyvammo'
bIHem, puqwI', qar'a' ?

moses abraham isaac je ghaHbe' no'lI''e'; achilles, odysseus, leonidas
je ghaH no'lI''e'. 'ej yeru'Sala'yIm 'oHbe' DaqlIj quv'e'.. olympus
'oH DaqlIj quv'e'.

vaj qatlh SoHvaD yISra'el pong Dalo' ? >

< 'a be' QunwI' > - jIjangpu' - < nuq 'oH pong'e' vIlo'nISbogh ? >

'ej jatlhpu' athena: < wa'Hu' wa' QIn ngeHpu' 'amerI'qa' juplI',
SuStel. QInDaj qontaHvIS SuStel, ghaH vIpIlmoH, 'ej ghaH vIDev. ngugh
'e' jembe' SuStel, 'a pong Dalo'nISbogh DaSammeH, SuStel vIDevpu'. >

mu'meyvam jatlhpu' athena, ghughpu' lIr, 'ej ghIq ngabchu'pu'..

DaHjaj jIvempu'DI', wa'Hu' SuStel QIn vIlaDta'.. 'ej SIbI' jIyajpu'..
QInvamDaq revpu' SuStel:

> "I fear the Danaans [Greeks], even those bearing gifts" or "even when they bear gifts".

'ej Hoch vIyajchu'pu'.. athena qeS vIyajchu'pu'.. not yISra'el pong
vIlo'qa'; 'elaDya'ngan jIHmo', quHwIj vIquvmoHmeH, 'elaDya'nganpu'
Delbogh pong vIlo'choH..

~ Dana'an