[tlhIngan Hol] luS'eghchoHmoHpu'DI'..

mayqel qunen'oS mihkoun at gmail.com
Mon May 11 10:06:13 PDT 2020


QIt, 'Iw DoQmIv'a' ghoSchoHpu' melkor maqlegh; 'uSDu'Daj yIQchoHmoHpu'
'Iw, 'ach mevpu'be', 'ej pa', luS'eghchoHmoHta'DI', jatlhchoHpu'..

melkor, qo'vam joHna'. melkor, qul qIj chu'wI'. melkor, Qunpu' Qun.
DaH, porghvam DechchoH 'Iw, 'ach wa' jaj, jaSHa', qa''e' ngaSbogh
porghvam DechchoH Hegh. ngugh, SoQchoH porghvam mInDu', ngugh, poSchoH
qa'vam mInDu'. ghIq, tera'Daq, ghIr porghvam, ghIq, qa' qo'Daq, Sal
qa' ngaSpu'bogh porghvam. 'ej tagha', Do'ol moj porghvam, 'ej qul moj
qa' ngaSpu'bogh porghvam.

ngugh, bISovjaj, melkor; bISovjaj 'ej bIqawjaj. qo'vamDaq, SoHvaD,
lojmIt'a' vImojpu'. vaj, ngugh, qa' qo'Daq, jIHvaD, lojmIt'a'
Damojjaj.

~ mayqel qunen'oS


More information about the tlhIngan-Hol mailing list